Cafe Coffee Day, CCD in loss: ಗಂಭೀರ ಆರ್ಥಿಕ ಬಿಕ್ಕಟ್ಟಿನಲ್ಲಿ ಸಿಲುಕಿಕೊಂಡ 'ಕೆಫೆ ಕಾಫಿ ಡೇ' ; 450 ಕೋಟಿ ರೂ. ಸಾಲ ಕಟ್ಟಲು ವಿಫಲ, ಸೆಬಿಯಿಂದ 26 ಕೋಟಿ ರೂ. ದಂಡ

ಬ್ರೇಕಿಂಗ್ ನ್ಯೂಸ್

ಇಡುಕ್ಕಿ ಸ್ಕೈ ಡೈನ್ ವೈಫಲ್ಯ ; 120 ಅಡಿ ಎತ್ತರದಲ್ಲಿ ಎರಡು ಗಂಟೆ ಸಿಕ್ಕಿಬಿದ್ದ ಪ್ರವಾಸಿಗರು, ಮಕ್ಕಳು ಮಹಿಳೆಯರನ್ನು ಹಗ್ಗದಲ್ಲಿ ಇಳಿಸಿದ ಅಗ್ನಿಶಾಮಕ ಸಿಬಂದಿ, ಸ್ಕೈ ಡೈನ್ ರೆಸ್ಟೋರೆಂಟಿಗೆ ಬೀಗ ! | Kapu Accident, Udupi, Four Killed: ಕಾಪು ಬಳಿ ಭೀಕರ ಅಪಘಾತ ; ಡೆಕೊರೇಶನ್ ಸಲಕರಣೆ ಒಯ್ಯುತ್ತಿದ್ದ ಟೆಂಪೋ ಪಲ್ಟಿ, ಐವರು ಕಾರ್ಮಿಕರು ಸಾವು | Puttur Honey Gains National Attention, PM Modi: ಪುತ್ತೂರಿನ ಜೇನು ತುಪ್ಪದ ಸ್ವಾದ ವಿಶೇಷ ; 'ಮನ್ ಕಿ ಬಾತ್' ನಲ್ಲಿ ಗ್ರಾಮಜನ್ಯ ರೈತ ಸಂಘಟನೆಯ ಕೆಲಸ ಶ್ಲಾಘಿಸಿದ ಪ್ರಧಾನಿ ಮೋದಿ, ತುಮಕೂರು, ಕಾಶ್ಮೀರದ ಬಂಡೆ ಜೇನಿನ ಬಗ್ಗೆಯೂ ಪ್ರಸ್ತಾಪ |

Cafe Coffee Day, CCD in loss: ಗಂಭೀರ ಆರ್ಥಿಕ ಬಿಕ್ಕಟ್ಟಿನಲ್ಲಿ ಸಿಲುಕಿಕೊಂಡ 'ಕೆಫೆ ಕಾಫಿ ಡೇ' ; 450 ಕೋಟಿ ರೂ. ಸಾಲ ಕಟ್ಟಲು ವಿಫಲ, ಸೆಬಿಯಿಂದ 26 ಕೋಟಿ ರೂ. ದಂಡ

05-07-23 06:48 pm Bangalore Correspondent ಕರ್ನಾಟಕ

ಕೆಫೆ ಕಾಫಿ ಡೇ (ಸಿಸಿಡಿ) ಹೆಸರಿನಲ್ಲಿ ದೇಶಾದ್ಯಂತ ಪ್ರಸಿದ್ಧ ಕಾಫಿ ಶಾಪ್‌ಗಳ ಚಿಲ್ಲರೆ ಸರಪಳಿಯನ್ನು ನಡೆಸುತ್ತಿರುವ ಕರ್ನಾಟಕ ಮೂಲದ ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್ ಮತ್ತೆ ಆರ್ಥಿಕ ಸಂಕಷ್ಟ ಎದುರಿಸುತ್ತಿದೆ.

ಬೆಂಗಳೂರು, ಜು 05: ಕೆಫೆ ಕಾಫಿ ಡೇ (ಸಿಸಿಡಿ) ಹೆಸರಿನಲ್ಲಿ ದೇಶಾದ್ಯಂತ ಪ್ರಸಿದ್ಧ ಕಾಫಿ ಶಾಪ್‌ಗಳ ಚಿಲ್ಲರೆ ಸರಪಳಿಯನ್ನು ನಡೆಸುತ್ತಿರುವ ಕರ್ನಾಟಕ ಮೂಲದ ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್ ಮತ್ತೆ ಆರ್ಥಿಕ ಸಂಕಷ್ಟ ಎದುರಿಸುತ್ತಿದೆ. ಗಂಭೀರ ಆರ್ಥಿಕ ಬಿಕ್ಕಟ್ಟಿನಲ್ಲಿ ಸಿಲುಕಿಕೊಂಡಿರುವ ಕಂಪನಿಯು ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ 450 ಕೋಟಿ ರೂ. ಸಾಲ ಕಟ್ಟಲು ವಿಫಲವಾಗಿದೆ. ಸಾಲದಲ್ಲಿ ತಾನು ಡಿಫಾಲ್ಟ್‌ ಆಗಿರುವ ಮಾಹಿತಿಯನ್ನು ಸ್ವತಃ ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್‌ ಹಂಚಿಕೊಂಡಿದೆ.

ಕಾಫಿ ಡೇ ಎಂಟರ್‌ಪ್ರೈಸಸ್ ಬ್ಯಾಂಕ್‌ಗಳು ಅಥವಾ ಹಣಕಾಸು ಸಂಸ್ಥೆಗಳಿಂದ ಪಡೆದ ಸಾಲಗಳು ಅಥವಾ ನಗದು ಕ್ರೆಡಿಟ್‌ನ 189.70 ಕೋಟಿ ರೂ. ಅಸಲನ್ನು ಜೂನ್‌ 30ಕ್ಕೂ ಮೊದಲ ಪಾವತಿಸಲು ವಿಫಲವಾಗಿರುವುದಾಗಿ ಹೇಳಿದೆ.

ಪರಿವರ್ತಿಸಲಾಗ ಡಿಬೆಂಚರ್‌ಗಳು ಮತ್ತು ಪರಿವರ್ತಿಸಲಾಗದ ರಿಡೀಮ್ ಮಾಡಬಹುದಾದ ಆದ್ಯತೆಯ ಷೇರುಗಳಂತಹ ಪಟ್ಟಿ ಮಾಡದ ಸಾಲ ಭದ್ರತೆಗಳ ಜೂನ್ ತ್ರೈಮಾಸಿಕ ಅಂತ್ಯದ ವೇಳೆಗಿನ ಡೀಫಾಲ್ಟ್ ಮೊತ್ತವು 200 ಕೋಟಿ ರೂ. ಆಗಿದೆ ಎಂದು ಕಂಪನಿ ಹೇಳಿದ್ದು, ಇದರ ಮೇಲಿನ 44.77 ಕೋಟಿ ರೂ. ಬಡ್ಡಿಯನ್ನೂ ಪಾವತಿಸಿಲ್ಲ ಎಂದು ತಿಳಿಸಿದೆ.

2019ರಲ್ಲಿ ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್‌ನ ಸಂಸ್ಥಾಪಕ ವಿಜಿ ಸಿದ್ಧಾರ್ಥ ಅವರು ನೇತ್ರಾವದಿ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡ ಬಳಿಕ ಕಂಪನಿ ಸ್ಥಿತಿಯು ಕೆಟ್ಟದಾಗಿದೆ. ಅವರ ಮರಣದ ನಂತರ ಪ್ರಾರಂಭವಾದ ಹಣಕಾಸಿನ ಬಿಕ್ಕಟ್ಟು ಇನ್ನೂ ಕೊನೆಯಾಗಿಲ್ಲ.

ಈಗಿನ ಮುಖ್ಯಸ್ಥೆ, ಸಿದ್ಧಾರ್ಥ್‌ ಪತ್ನಿ ಮಾಳವಿಕಾ ಹೆಗ್ಡೆ ಆಸ್ತಿಗಳನ್ನು ಮಾರಿ ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್‌ನ ಹೆಚ್ಚಿನ ಸಾಲವನ್ನು ಮರುಪಾವತಿಸಿದ್ದರೂ, ಕಂಪನಿಯನ್ನು ಡೀಫಾಲ್ಟ್‌ನಿಂದ ರಕ್ಷಿಸಲು ಸಾಧ್ಯವಾಗಿಲ್ಲ. ಕಂಪನಿಯು ಮುಂದಿನ ದಿನಗಳಲ್ಲಿ ಮತ್ತಷ್ಟು ಆಸ್ತಿಗಳನ್ನು ಮಾರಾಟ ಮಾಡಲು ಯೋಜಿಸಿದ್ದು, ಈ ಮೂಲಕ ಸಾಲವನ್ನು ಪಾವತಿಸುವುದಾಗಿ ಹೇಳಿದೆ.

ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್ ಮಾರ್ಚ್ 2020ರಲ್ಲಿ 13 ಸಾಲದಾತರಿಗೆ 1,644 ಕೋಟಿ ರೂ. ಸಾಲವನ್ನು ಪಾವತಿಸುವುದಾಗಿ ಹೇಳಿತ್ತು. ಆ ಸಮಯದಲ್ಲಿ ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್ ತನ್ನ ಟೆಕ್ನಾಲಜಿ ಬ್ಯುಸಿನೆಸ್ ಪಾರ್ಕ್ ಅನ್ನು ಮಾರಾಟ ಮಾಡಿತ್ತು. ಇದಕ್ಕಾಗಿ ಬ್ಲಾಕ್‌ಸ್ಟೋನ್ ಗ್ರೂಪ್‌ನೊಂದಿಗೆ ಒಪ್ಪಂದ ಮಾಡಿಕೊಂಡಿತ್ತು. ಈ ಮೂಲಕ ಸಾಲವನ್ನು ಪಾವತಿಸಿತ್ತು.

ಸಿಸಿಡಿ ಗೆ ದಂಡ ವಿಧಿಸಿದ್ದ ಸೆಬಿ;

ಈ ವರ್ಷದ ಆರಂಭದಲ್ಲಿ ಮಾರುಕಟ್ಟೆ ನಿಯಂತ್ರಕ ಸೆಬಿ ಕಾಫಿ ಡೇ ಎಂಟರ್‌ಪ್ರೈಸಸ್ ಲಿಮಿಟೆಡ್‌ಗೆ ದಂಡವನ್ನು ವಿಧಿಸಿತ್ತು. ಕಂಪನಿಯು ತನ್ನ ಅಂಗಸಂಸ್ಥೆಗಳಿಂದ 3,535 ಕೋಟಿ ರೂಪಾಯಿ ಮೌಲ್ಯದ ಹಣವನ್ನು ಬೇರೆಡೆಗೆ ತಿರುಗಿಸುವುದನ್ನು ತಡೆಯಲು ವಿಫಲವಾದ ಕಾರಣಕ್ಕಾಗಿ ಸಂಸ್ಥೆಗೆ ಸೆಬಿ 26 ಕೋಟಿ ರೂಪಾಯಿ ದಂಡ ವಿಧಿಸಿತ್ತು.

Coffee Day Enterprises Ltd (CDEL) on Tuesday reported a total default of Rs 450 crore in the quarter ended on June 30, 2023. Its "total financial indebtedness of listed entity including short term and long term debt" is Rs 44.77crore, the company stated in a regulatory filing to bourses. According to CDEL, its total outstanding amount is Rs 200 crore from loans or revolving facilities like cash credit from banks or financial institutions.