ಜನ್ಮಾಷ್ಟಮಿ ಸಂದರ್ಭದಲ್ಲೇ ರಾಧಾಕೃಷ್ಣರ ನಗ್ನ ಚಿತ್ರ ಮಾರಾಟಕ್ಕಿಟ್ಟ ಅಮೆಜಾನ್ ; ಹಿಂದುಗಳನ್ನು ಅಣಕಿಸಿದ ಜಾಗತಿಕ ದೈತ್ಯ

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಜನ್ಮಾಷ್ಟಮಿ ಸಂದರ್ಭದಲ್ಲೇ ರಾಧಾಕೃಷ್ಣರ ನಗ್ನ ಚಿತ್ರ ಮಾರಾಟಕ್ಕಿಟ್ಟ ಅಮೆಜಾನ್ ; ಹಿಂದುಗಳನ್ನು ಅಣಕಿಸಿದ ಜಾಗತಿಕ ದೈತ್ಯ

20-08-22 09:08 pm HK News Desk ಕರ್ನಾಟಕ

ದೇಶದೆಲ್ಲೆಡೆ ಕೃಷ್ಣ ಜನ್ಮಾಷ್ಟಮಿಯ ಸಡಗರ ಇದ್ದಾಗಲೇ ಅತ್ತ ಜಾಗತಿಕ ಮಟ್ಟದಲ್ಲಿ ಆನ್ಲೈನ್ ಮಾರುಕಟ್ಟೆ ದೈತ್ಯನೆಂದು ಗುರುತಿಸಲ್ಪಟ್ಟ ಅಮೆಜಾನ್, ಹಿಂದುಗಳು ದೇವರೆಂದು ನಂಬುವ ಕೃಷ್ಣನನ್ನೇ ಅಣಕಿಸುವ ರೀತಿಯ ಪೈಂಟಿಂಗ್ಸ್, ಫೋಟೋಗಳನ್ನು ಮಾರಾಟಕ್ಕಿಟ್ಟಿದೆ.

ಬೆಂಗಳೂರು, ಆಗಸ್ಟ್ 20: ದೇಶದೆಲ್ಲೆಡೆ ಕೃಷ್ಣ ಜನ್ಮಾಷ್ಟಮಿಯ ಸಡಗರ ಇದ್ದಾಗಲೇ ಅತ್ತ ಜಾಗತಿಕ ಮಟ್ಟದಲ್ಲಿ ಆನ್ಲೈನ್ ಮಾರುಕಟ್ಟೆ ದೈತ್ಯನೆಂದು ಗುರುತಿಸಲ್ಪಟ್ಟ ಅಮೆಜಾನ್, ಹಿಂದುಗಳು ದೇವರೆಂದು ನಂಬುವ ಕೃಷ್ಣನನ್ನೇ ಅಣಕಿಸುವ ರೀತಿಯ ಪೈಂಟಿಂಗ್ಸ್, ಫೋಟೋಗಳನ್ನು ಮಾರಾಟಕ್ಕಿಟ್ಟಿದೆ. ಆಮೂಲಕ ಭಾರತೀಯರನ್ನು ಅಣಕಿಸುವ ಕೆಲಸವನ್ನು ಮಾಡಿದೆ. ಈ ಬಗ್ಗೆ ಹಿಂದು ಜನಜಾಗೃತಿ ಸಮಿತಿಯ ಸದಸ್ಯರು ಬೆಂಗಳೂರಿನಲ್ಲಿ ಪೊಲೀಸ್ ದೂರು ನೀಡಿದ್ದು, ಕಂಪನಿ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದಾರೆ.

ಹಿಂದು ದೇವರ ಫೈನ್ ಆರ್ಟ್ಸ್ ಪೈಂಟಿಂಗ್ ಹೆಸರಲ್ಲಿ ಫೋಟೋಗಳನ್ನು ಮಾರಾಟಕ್ಕಿಡಲಾಗಿದ್ದು, ಅದರಲ್ಲಿ ನಗ್ನ ಕೃಷ್ಣ- ರಾಧೆಯರ ಫೋಟೋಗಳನ್ನೂ ಸೇರಿಸಲಾಗಿದೆ. ಪೈಂಟಿಂಗ್ ಹೆಸರಲ್ಲಿ ಹಿಂದುಗಳನ್ನು ಅವಮಾನಿಸುವ ಕೆಲಸ ಮಾಡಲಾಗಿದ್ದು, ಅಮೆಜಾನ್ ಮತ್ತೆ ಭಾರತೀಯರ ಕೆಂಗಣ್ಣಿಗೆ ಗುರಿಯಾದಂತಾಗಿದೆ.

ದೇಶದಲ್ಲಿ ಕೃಷ್ಣನ ಜನ್ಮದಿನವನ್ನು ಅದ್ದೂರಿಯಿಂದ ಆಚರಿಸುವ ಸಂದರ್ಭದಲ್ಲಿಯೇ ಇಂತಹ ಅಶ್ಲೀಲ ಫೋಟೋಗಳನ್ನು ಪ್ರಕಟಿಸಿರುವುದು ಮತ್ತು ಪ್ರದರ್ಶನಕ್ಕಿಟ್ಟು ಮಾರಾಟ ಮಾಡುತ್ತಿರುವುದು ಅಮೆಜಾನ್ ಕಂಪನಿ ಉದ್ದೇಶಪೂರ್ವಕ ನಡೆಯೆಂದು ಆರೋಪಿಸಿರುವ ಹಿಂದು ಜನಜಾಗೃತಿ ಸಮಿತಿ ಸದಸ್ಯರು, ಕಂಪನಿ ವಿರುದ್ಧ ಭಾರತೀಯ ದಂಡ ಸಂಹಿತೆ 295, 5295 ಎ ಮತ್ತು 298 ಪ್ರಕಾರ ಶಿಕ್ಷೆ ವಿಧಿಸುವಂತೆ ಹೇಳಿದ್ದಾರೆ. ಬೆಂಗಳೂರಿನ ಸುಬ್ರಹ್ಮಣ್ಯ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Twitter users are outraged against Amazon after a Hindu group filed a police complaint against the e-commerce site for selling 'obscene' paintings of Lord Krishna and Radha. Members of the Hindu Janajagruti Samiti submitted a memorandum to Bengaluru's Subramanya Nagar police station requesting action against Amazon. The complaint was filed on Friday, the second day of Krishna Janmashtami festival.