ಸೈಬರ್ ಕ್ರೈಮ್ ಪೊಲೀಸರೆಂದು ಹೇಳಿ ವೈದ್ಯರಿಂದಲೇ 1.19 ಕೋಟಿ ವಂಚನೆ ; ಹೈದರಾಬಾದ್ ನಲ್ಲಿ ಕೇರಳದ ವ್ಯಕ್ತಿ ಬಂಧನ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಸೈಬರ್ ಕ್ರೈಮ್ ಪೊಲೀಸರೆಂದು ಹೇಳಿ ವೈದ್ಯರಿಂದಲೇ 1.19 ಕೋಟಿ ವಂಚನೆ ; ಹೈದರಾಬಾದ್ ನಲ್ಲಿ ಕೇರಳದ ವ್ಯಕ್ತಿ ಬಂಧನ

23-09-26 09:32 am HK News Staffer ಕ್ರೈಂ

ಡಿಜಿಟಲ್ ಬಂಧನ ಹೆಸರಿನಲ್ಲಿ 80 ವರ್ಷ ಪ್ರಾಯದ ವೈದ್ಯರೊಬ್ಬರನ್ನು ಬೆದರಿಸಿ 1.19 ಕೋಟಿ ಅಧಿಕ ಹಣವನ್ನು ಪೀಕಿಸಿಕೊಂಡು ವಂಚಿಸಿದ ಪ್ರಕರಣದಲ್ಲಿ ಆರೋಪಿ, ವಿದೇಶದಲ್ಲಿ ಉದ್ಯೋಗದಲ್ಲಿರುವ ವ್ಯಕ್ತಿಯನ್ನು ಹೈದರಾಬಾದ್ ವಿಮಾನ ನಿಲ್ದಾಣದಲ್ಲಿ ಕಾಸರಗೋಡು ಸೈಬರ್ ಕ್ರೈಂ ಪೊಲೀಸರು ಬಂಧಿಸಿದ್ದಾರೆ.

ಕಾಸರಗೋಡು, ಸೆ.22: ಡಿಜಿಟಲ್ ಬಂಧನ ಹೆಸರಿನಲ್ಲಿ 80 ವರ್ಷ ಪ್ರಾಯದ ವೈದ್ಯರೊಬ್ಬರನ್ನು ಬೆದರಿಸಿ 1.19 ಕೋಟಿ ಅಧಿಕ ಹಣವನ್ನು ಪೀಕಿಸಿಕೊಂಡು ವಂಚಿಸಿದ ಪ್ರಕರಣದಲ್ಲಿ ಆರೋಪಿ, ವಿದೇಶದಲ್ಲಿ ಉದ್ಯೋಗದಲ್ಲಿರುವ ವ್ಯಕ್ತಿಯನ್ನು ಹೈದರಾಬಾದ್ ವಿಮಾನ ನಿಲ್ದಾಣದಲ್ಲಿ ಕಾಸರಗೋಡು ಸೈಬರ್ ಕ್ರೈಂ ಪೊಲೀಸರು ಬಂಧಿಸಿದ್ದಾರೆ.

ಮಲಪ್ಪುರಂ ಜಿಲ್ಲೆಯ ಎಡೆಯತ್ತೂರು ನಿವಾಸಿ ಶಂಸದ್ ಚುಕ್ರುತ್ ಬಂದಿತ ಆರೋಪಿ. ತನಿಖೆ ವೇಳೆ ಆರೋಪಿ ವಿದೇಶದಲ್ಲಿ ಕೆಲಸ ಮಾಡುತ್ತಿರುವುದು ಪತ್ತೆಯಾದ ಹಿನ್ನೆಲೆಯಲ್ಲಿ ಆತನ ಪಾಸ್ ಪೋರ್ಟ್ ವಿವರಗಳನ್ನು ಸಂಗ್ರಹಿಸಿ ಲುಕ್‌ ಔಟ್ ನೋಟಿಸ್ ಹೊರಡಿಸಲಾಗಿತ್ತು. 2026ರ ಸೆ.17 ರಂದು ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದಾಗ ವಲಸೆ ಅಧಿಕಾರಿಗಳು ಅವನನ್ನು ತಡೆದು ಕಾಸರಗೋಡು ಸೈಬರ್‌ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದರು.

ಕಾಸರಗೋಡು ಪೊಲೀಸರು ಹೈದರಾಬಾದ್‌ಗೆ ತೆರಳಿ ಆರೋಪಿಯನ್ನು ವಶಕ್ಕೆ ಪಡೆದಿದ್ದು, ಬಳಿಕ ಕಾಸರಗೋಡು ನ್ಯಾಯಾಲಯಕ್ಕೆ ಹಾಜರು ಈ ಪಡಿಸಿದಾಗ 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

2025ರ ನ. 24ರಿಂದ ಡಿ.17ರ ನಡುವೆ ಬೇರೆ ಬೇರೆ ಅವಧಿಯಲ್ಲಿ ವೈದ್ಯರನ್ನು ಫೋನ್ ಮತ್ತು ವಾಟ್ಸ್ ಆ್ಯಪ್ ವೀಡಿಯೋ ಕರೆ ಮೂಲಕ ಸಂಪರ್ಕಿಸಿದ್ದ ಆರೋಪಿಗಳು ತಾವು ಮುಂಬೈ ಕ್ರೈಂ ಬ್ರಾಂಚ್ ಅಧಿಕಾರಿಗಳೆಂದು ಪರಿಚಯಿಸಿಕೊಂಡು ಹಣ ಅಕ್ರಮ ವರ್ಗಾವಣೆ ಪ್ರಕರಣದಲಿ ನೀವು ಭಾಗಿಯಾಗಿದ್ದು ನೀವು 'ಡಿಜಿಟಲ್ ಬಂಧನ'ಕ್ಕೆ ಒಳಗಾಗಿದ್ದೀರಿ ಎಂದು ಬೆದರಿಸಿ ಪರಿಶೀಲನೆಗಾಗಿ ಬ್ಯಾಂಕ್ ಖಾತೆ ವಿವರಗಳನ್ನು ಕೇಳಿ ಪಡೆದಿದ್ದರು. ಇದೇ ವೇಳೆ, ಡಿಜಿಟಲ್ ಬಂಧನದಿಂದ ಪಾರಾಗಲು ಆರ್ ಬಿಐ ಪರಿಶೀಲನೆಗೆ ಒಳಪಡುವಂತೆ ನಂಬಿಸಿದ್ದರು. ಬಳಿಕ ಬಂಧನದಿಂದ ತಪ್ಪಿಸಿಕೊಳ್ಳಲು 1,19,35,000 ಹಣವನ್ನು ವಿವಿಧ ಖಾತೆಗಳಿಗೆ ವರ್ಗಾಯಿಸುವಂತೆ ಮಾಡಿದ್ದರು.

ವಂಚನೆ ಬಗ್ಗೆ ಅರಿವಾದ ಬಳಿಕ ವೈದ್ಯರು ಕಾಸರಗೋಡು ಸೈಬರ್‌ಪೊಲೀಸ್ ಪ್ರಕರಣ ದಾಖಲಿಸಿದ್ದರು. ತನಿಖೆಯ ಸಂದರ್ಭದಲ್ಲಿ ದೂರುದಾರರ ನೀಲೇಶ್ವರದ ರಾಷ್ಟ್ರೀಕೃತ ಬ್ಯಾಂಕ್ ಖಾತೆಯಿಂದ 2025ರ ಡಿ.17ರಂದು 46,25,000 ರೂ. ನಾಗಾಲ್ಯಾಂಡ್‌ನ ಪುರಾಣ ಬಜಾರ್‌ ಶಾಖೆಗೆ ತಲುಪಿರುವುದು ಪತ್ತೆಯಾಯಿತು. ಅದೇ ದಿನ ಈ ಮೊತ್ತದಿಂದ 9,60,000 ರೂ. ಅನ್ನು ಎರಡು ವಹಿವಾಟುಗಳ ಮೂಲಕ ಆರೋಪಿ ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾದ ಮಂಜೇರಿ ಶಾಖೆಯ ಖಾತೆಗೆ ವರ್ಗಾಯಿಸಿಕೊಂಡಿದ್ದ. ಈ ಪೈಕಿ 9 ಲಕ್ಷ ರೂ. ಅನ್ನು ಚೆಕ್ ಮೂಲಕ ಹಿಂಪಡೆದು ಖರ್ಚು ಮಾಡಿರುವುದನ್ನೂ ಪೊಲೀಸರು ಪತ್ತೆಹಚ್ಚಿದ್ದಾರೆ. ಪ್ರಕರಣದಲ್ಲಿ ಯಾರು ಹಣ ಹಂಚಿಕೊಂಡಿದ್ದಾರೆ, ವಿದೇಶದಲ್ಲೇ ಇದು ಕೃತ್ಯ ನಡೆಸಿದ್ದಾ? ಯಾರೆಲ್ಲ ಭಾಗಿಯಾಗಿದ್ದಾರೆ ಇತ್ಯಾದಿ ವಿವರ ತನಿಖೆ ಬಳಿಕ ತಿಳಿಯಬೇಕಿದೆ.

Kasaragod Cyber Crime Police have arrested a man working abroad in connection with a digital arrest scam in which an 80-year-old doctor was allegedly threatened and duped of more than ₹1.19 crore.