ಮೂಲಂಗಿಯಲ್ಲಿ ಈ ಪಾಟಿ ಆರೋಗ್ಯ ಪ್ರಯೋಜನಗಳು ಇರುತ್ತಾ? ಖುಷಿ ಆಗುತ್ತೆ!

ಬ್ರೇಕಿಂಗ್ ನ್ಯೂಸ್

UT Khader, Mangalore, Tulu Academy: ತುಳು ಕಲಿತ ವಿದ್ಯಾರ್ಥಿಗಳಿಗೆ ಮೀಸಲಾತಿ ; ತುಳು ಸಾಹಿತ್ಯ ಅಕಾಡೆಮಿ ಗೌರವ, ಪುಸ್ತಕ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಸ್ಪೀಕರ್ ಯುಟಿ ಖಾದರ್ ಆಶಯ | Bangalore crime, Fraud, Bank Manager: ಮನೆ ಮಾರಿ ವೃದ್ಧ ದಂಪತಿಗೆ ಬಂದಿತ್ತು 1 ಕೋಟಿ ; ಅಜ್ಜಿಯನ್ನ ಪುಸಲಾಯಿಸಿ ಅಕೌಂಟ್ ನಿಂದ 50 ಲಕ್ಷ ಎಗರಿಸಿದ ಕಳ್ಳಿ, ಬ್ಯಾಂಕ್‌ ಮ್ಯಾನೇಜರ್ ಸೇರಿ ನಾಲ್ವರು ಪೊಲೀಸರ ಬಲೆಗೆ | Yatnal, Pramod Muthalik: ' ಬಾಂಬ್ ಹಾಕಿ ಹೊಟ್ಟೆ ತುಂಬಿಸಿಕೊಳ್ಳುವ ಸ್ಥಿತಿ ಇದೆ, ಪಾಕಿಸ್ತಾನ ಜೈ ಎನ್ನುವವರು ಅಲ್ಲಿಗೇ ಹೋಗಲಿ ; ದೇಶದ್ರೋಹ ಕಲಿಸುವ ಮದರಸಾಗೆ ಅನುದಾನ ಕೊಟ್ಟಿದ್ದರಿಂದಲೇ ಇಂಥ ಸ್ಥಿತಿಯಾಗಿದೆ ' |

ಮೂಲಂಗಿಯಲ್ಲಿ ಈ ಪಾಟಿ ಆರೋಗ್ಯ ಪ್ರಯೋಜನಗಳು ಇರುತ್ತಾ? ಖುಷಿ ಆಗುತ್ತೆ!

21-10-22 08:12 pm Source: Vijayakarnataka ಡಾಕ್ಟರ್ಸ್ ನೋಟ್

ಮೂಲಂಗಿಯ ಸಿಗುವ ಆರೋಗ್ಯ ಪ್ರಯೋಜನಗಳು ಒಂದೆರಡಲ್ಲ. ಸಮಯ ಸಂದರ್ಭಕ್ಕೆ ತಕ್ಕಂತೆ ಮನೆಯಲ್ಲಿ ಮೂಲಂಗಿ ಪದಾರ್ಥಗಳನ್ನು ಮಾಡಿ ಸವಿಯುವ ಅಭ್ಯಾಸ ಮಾಡಿಕೊಳ್ಳಬೇಕು ಅಷ್ಟೇ.

ನಾವು ಅಡುಗೆ ಮನೆಯಲ್ಲಿ ಸಾಮಾನ್ಯವಾಗಿ ಬಳಸಲಾಗುವ ತರಕಾರಿಗಳಲ್ಲಿ ಮೂಲಂಗಿ ಸಹ ಒಂದು. ಇದರಿಂದ ಹಲವಾರು ರುಚಿಕರ ಅಡುಗೆಗಳನ್ನು ತಯಾರು ಮಾಡಬಹುದು. ಸಲಾಡ್, ಪಲ್ಯ ಇತ್ಯಾದಿ ಖಾದ್ಯಗಳನ್ನು ತಯಾರಿಸಿ ರುಚಿಕರವಾಗಿ ಸವಿದು ಅನೇಕ ಆರೋಗ್ಯ ಪ್ರಯೋಜನಗಳನ್ನು ನಮ್ಮದಾಗಿಸಿಕೊಳ್ಳಬಹುದು.

ಮೂಲಂಗಿ ಬಗ್ಗೆ ಅನೇಕ ಜನರಿಗೆ ಗೊತ್ತಿಲ್ಲ. ಕೆಲವರು ಇದು ಕಾರ ಜಾಸ್ತಿ ಎನ್ನುವ ಕಾರಣಕ್ಕೆ ಅದರ ಗೋಜಿಗೆ ಹೋಗುವುದಿಲ್ಲ. ಆದರೆ ಖ್ಯಾತ ಪೌಷ್ಟಿಕತಜ್ಞ ಮತ್ತು ಆಹಾರತಜ್ಞರಾದ ಲವ್ನೀತ್ ಅವರು ಹೇಳುವ ಹಾಗೆ ಎಲ್ಲಿ ಅಪರಿಮಿತ ಆರೋಗ್ಯ ಪ್ರಯೋಜನಗಳು ಇರುತ್ತವೆ. ಅವುಗಳಲ್ಲಿ ಕೆಲವನ್ನು ಇಲ್ಲಿ ತಿಳಿಸಿಕೊಡಲಾಗಿದೆ....

ಆಂಟಿ ಕ್ಯಾನ್ಸರ್ ಗುಣಲಕ್ಷಣಗಳ ನಿರೀಕ್ಷೆ

ಹೌದು ಮೂಲಂಗಿಯಲ್ಲಿ ಇರುವಂತಹ ಒಳ್ಳೆಯ ಗುಣಲಕ್ಷಣಗಳಲ್ಲಿ ಇದು ಕೂಡ ಒಂದು. ಕ್ಯಾನ್ಸರ್ ಸಮಸ್ಯೆಯನ್ನು ಬರದಂತೆ ತಡೆಯುವಲ್ಲಿ ಮೂಲಂಗಿ ಪಾತ್ರ ದೊಡ್ಡದು.
ಒಂದು ಅಧ್ಯಯನ ಹೇಳುವ ಹಾಗೆ ಮೂಲಂಗಿಯಲ್ಲಿ ಇರುವಂತಹ ಕೆಲವೊಂದು ಸಂಯುಕ್ತಗಳು ನೀರಿನ ಅಂಶದ ಜೊತೆ ಸೇರಿಕೊಂಡು ದೇಹದಲ್ಲಿ ಕ್ಯಾನ್ಸರ್ ಜೀವಕೋಶಗಳ ಗಡ್ಡೆ ಉಂಟಾಗದಂತೆ ನೋಡಿಕೊಳ್ಳುತ್ತದೆ.

ಮಧುಮೇಹ ನಿರ್ವಹಣೆ ಸಾಧ್ಯ

ಇದಕ್ಕೂ ಸಹ ಮೂಲಂಗಿಯಲ್ಲಿ ಇರುವಂತಹ ಮಧುಮೇಹ ವಿರೋಧಿ ಗುಣ ಲಕ್ಷಣಗಳು ಕಾರಣ ವಾಗುತ್ತವೆ. ನಮ್ಮ ದೇಹದ ರೋಗನಿರೋಧಕ ಸಂವೇದನೆಯನ್ನು ಉತ್ತೇಜಿಸಿ ನಾವು ಸೇವನೆ ಮಾಡಿದ ಆಹಾರದಲ್ಲಿ ಇರುವಂತಹ ಕಾರ್ಬೋಹೈಡ್ರೇಟ್ ಮತ್ತು ಸಕ್ಕರೆ ಪ್ರಮಾಣವನ್ನು ನಿಯಮಿತ ಮತ್ತು ಅಗತ್ಯ ಪ್ರಮಾಣದಲ್ಲಿ ಗ್ಲೂಕೋಸ್ ಆಗಿ ಬದಲಿಸಿ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ಉತ್ತಮವಾಗಿ ನಿರ್ವಹಿಸುವ ಗುಣ ಇದರಲ್ಲಿದೆ.
ಮೂಲಂಗಿ ತನ್ನಲ್ಲಿ adiponectin ಎಂಬ ಅಂಶವನ್ನು ನಿಯಂತ್ರಣ ಮಾಡುವ ಜೈವಿಕ ಸಕ್ರಿಯ ಸಂಯುಕ್ತಗಳನ್ನು ಹೊಂದಿದ್ದು, ಇದು ರಕ್ತದಲ್ಲಿನ ಗ್ಲೂಕೋಸ್ ಪ್ರಮಾಣವನ್ನು ನಿಯಂತ್ರಣ ಮಾಡುವಲ್ಲಿ ಹೆಚ್ಚಿನ ಪಾತ್ರವಹಿಸುತ್ತದೆ ಮತ್ತು ಮಧುಮೇಹವನ್ನು ನಿಯಂತ್ರಣ ಮಾಡುತ್ತದೆ.

ಜೀರ್ಣಶಕ್ತಿಗೆ ತುಂಬಾ ಒಳ್ಳೆಯದು

ಮೂಲಂಗಿ ತನ್ನಲ್ಲಿ ಕರಗುವ ಮತ್ತು ಕರಗದಿರುವ ನಾರಿನ ಅಂಶವನ್ನು ಒಳಗೊಂಡಿರುತ್ತದೆ. ಇದು ಜೀರ್ಣನಾಳದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.
ನಾರಿನ ಅಂಶ ಮಲಬದ್ಧತೆ ಸಮಸ್ಯೆಯನ್ನು ಹೋಗಲಾಡಿಸುವಲ್ಲಿ ಕೆಲಸ ಮಾಡುತ್ತದೆ ಎಂಬುದು ಗೊತ್ತಿರುವ ವಿಚಾರ. ಹಾಗಾಗಿ ಕರುಳಿನ ಆರೋಗ್ಯಕ್ಕೆ ಒಂದು ಅತ್ಯುತ್ತಮ ತರಕಾರಿಯೆಂದರೆ ಅದು ಮೂಲಂಗಿ ಎಂದು ಲವ್ನೀತ್ ಹೇಳುತ್ತಾರೆ.

ರಕ್ತದ ಒತ್ತಡ ನಿಯಂತ್ರಕ ಕೂಡ!

High Blood Pressure Symptoms: Emergency Symptoms, Treatments, and More

ಯಾರಿಗೆ ಬಿಪಿ ಇರುತ್ತದೆ ಅದರಲ್ಲೂ ಹೈ ಬಿಪಿ ಇರುವವರಿಗೆ ಮೂಲಂಗಿ ತುಂಬಾ ಒಳ್ಳೆಯದು. ಏಕೆಂದರೆ ಮೂಲಂಗಿಯಲ್ಲಿ ಬಾಳೆ ಹಣ್ಣಿನ ಹಾಗೆ ಪೊಟ್ಯಾಶಿಯಂ ಅಂಶ ಇರುತ್ತದೆ.
ಇದು ರಕ್ತದ ಒತ್ತಡವನ್ನು ನಿಯಂತ್ರಣ ಮಾಡುವುದು ಮಾತ್ರವಲ್ಲದೆ ಹೃದಯದ ಕಾರ್ಯಚಟು ವಟಿಕೆ ಯನ್ನು ಅತ್ಯುತ್ತಮವಾಗಿ ನಿರ್ವಹಿಸುತ್ತದೆ. ರಕ್ತ ಸಂಚಾರವನ್ನು ಸರಿಪಡಿಸಿ ರಕ್ತದ ಒತ್ತಡವನ್ನು ಕಡಿಮೆ ಮಾಡುತ್ತದೆ.