ಕೇರಳದಲ್ಲಿ ಮತ್ತೆ 14 ಝಿಕಾ ವೈರಸ್ ಸೋಂಕು ಪತ್ತೆ

09-07-21 10:58 pm Headline Karnataka News Network ದೇಶ - ವಿದೇಶ

ನ್ಯಾಶನಲ್ ಇನ್ಸ್ ಟಿಟ್ಯೂಟ್ ಆಫ್ ವೈರಾಲಜಿ ಸೆಂಟರ್ ಇಂದು ಒಂದೇ ದಿನ 13 ಮಂದಿಯ ಸ್ಯಾಂಪಲನ್ನು ಝಿಕಾ ವೈರಸ್ ಎಂದು ಪತ್ತೆ ಮಾಡಿದೆ.

ತಿರುವನಂತಪುರ, ಜುಲೈ 9: ಕೇರಳದಲ್ಲಿ 14 ಝಿಕಾ ವೈರಸ್ ಸೋಂಕಿತರು ಪತ್ತೆಯಾಗಿದ್ದು ರಾಜ್ಯದಲ್ಲಿ ಹೈಎಲರ್ಟ್ ಮಾಡಲಾಗಿದೆ. ನ್ಯಾಶನಲ್ ಇನ್ಸ್ ಟಿಟ್ಯೂಟ್ ಆಫ್ ವೈರಾಲಜಿ ಸೆಂಟರ್ ಇಂದು ಒಂದೇ ದಿನ 13 ಮಂದಿಯ ಸ್ಯಾಂಪಲನ್ನು ಝಿಕಾ ವೈರಸ್ ಎಂದು ಪತ್ತೆ ಮಾಡಿದೆ.

ಗುರುವಾರ ಮೊದಲ ಬಾರಿಗೆ ಝಿಕಾ ವೈರಸ್ ಸೋಂಕು ಕೇರಳದಲ್ಲಿ 24 ವರ್ಷದ ಗರ್ಭಿಣಿ ಮಹಿಳೆಯಲ್ಲಿ ಕಂಡುಬಂದಿತ್ತು. ನಿನ್ನೆ ಸಂಶಯಿತ 19 ಮಂದಿಯ ಸ್ಯಾಂಪಲನ್ನು ವೈರಾಲಜಿ ಸೆಂಟರಿಗೆ ಕಳಿಸಲಾಗಿತ್ತು. ಅದರಲ್ಲಿ 13 ಮಂದಿಗೆ ಪಾಸಿಟಿವ್ ಕಂಡುಬಂದಿದೆ.

ಇದರ ಲಕ್ಷಣಗಳು ಡೆಂಗ್ಯೂ ರೀತಿಯದ್ದೇ ಇರಲಿದ್ದು, ಜ್ವರ, ಅಲರ್ಜಿ ಮತ್ತು ಮೈಕೈ ನೋವು ಇರುತ್ತದೆ. ಅಲ್ಲದೆ, ಡೆಂಗ್ಯು ರೀತಿಯಲ್ಲೇ ಸೊಳ್ಳೆಯಿಂದ ಇದು ಹರಡುತ್ತದೆ. ಸೋಂಕಿತ ವ್ಯಕ್ತಿಗೆ ಕಚ್ಚಿದ ಸೊಳ್ಳೆ ಇನ್ನೊಬ್ಬನಿಗೆ ಕಚ್ಚಿದರೆ ಆತನಿಗೂ ಸೋಂಕು ಹರಡುತ್ತದೆ ಎಂದು ಆರೋಗ್ಯ ಇಲಾಖೆಯ ಅಧಿಕಾರಿಗಳು ಹೇಳಿದ್ದಾರೆ.

ಝಿಕಾ ವೈರಸ್ ಹೊರಗಡೆ ಹರಡದಂತೆ ಕೇರಳದಲ್ಲಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ. ಅಲ್ಲದೆ, ಗರ್ಭಿಣಿಯರು ಜ್ವರ ಬಂದ ಕೂಡಲೇ ಪರೀಕ್ಷೆ ಮಾಡಿಸಿಕೊಳ್ಳಬೇಕು ಎಂದು ಸೂಚನೆ ನೀಡಿದ್ದಾರೆ.

ಡೆಲ್ಟಾ ಬೆನ್ನಲ್ಲೇ "ಝಿಕಾ ವೈರಸ್" ಆತಂಕ ; ಕೇರಳದಲ್ಲಿ ಹೈ ಅಲರ್ಟ್ !!

Cases of Zika virus in Kerala went up to 14 today with the National Institute of Virology (NIV) confirming 13 more cases. Following this, the state has been put on alert. Among the infected was a 24-year-old pregnant woman who was diagnosed with the mosquito-transmitted disease on Thursday. Hers was the first case of the Zika virus in the Kerala.