ನಿಗದಿತ ಕೋವಿಡ್ ಲಸಿಕೆ ಹಾಕಿಸಿದ್ದರೆ ಕುವೈಟ್‌ ಪ್ರವೇಶ ಸುಲಭ !

ಬ್ರೇಕಿಂಗ್ ನ್ಯೂಸ್

ಇತಿಹಾಸವನ್ನು ಚರಿತ್ರೆ ಪುಸ್ತಕಗಳಿಂದ ತಿಳಿಯಬೇಕೇ ವಿನಾ ವಾಟ್ಸಪ್ ನಿಂದ ಅಲ್ಲ ; ಔರಂಗಜೇಬ್ ಸಮಾಧಿ ಕೆಡಹುವ ವಿಚಾರದಲ್ಲಿ ರಾಜ್ ಠಾಕ್ರೆ ಪ್ರತಿಕ್ರಿಯೆ | Mangalore Muda Commissioner, FIR, Noor Zahara: ಮುಡಾ ಕಮಿಷನರ್ ವಿರುದ್ಧವೇ ಬ್ಲಾಕ್ಮೇಲ್, ವಾಮಾಚಾರ, ಜೀವ ಬೆದರಿಕೆ ; ಇಬ್ಬರು ಬ್ರೋಕರ್ ಗಳ ವಿರುದ್ಧ ದೂರು, ಎಫ್ಐಆರ್ ದಾಖಲು | ಕಳೆದ 11 ವರ್ಷಗಳಿಂದ ನೀವೇ ಅಧಿಕಾರದಲ್ಲಿ‌ ಮೊಳೆ ಹೊಡೆದು ಕುಳಿತುಕೊಂಡಿದ್ದೀರಿ, ಇಷ್ಟು ದಿನ ನೀವು ಕಡಿದು ಕಟ್ಟೆ ಹಾಕಿರುವುದು ಏನು ? ಪ್ರಧಾನಿ ಮೋದಿಗೆ ದಿನೇಶ್ ಗುಂಡುರಾವ್ ಟಾಂಗ್ |

ನಿಗದಿತ ಕೋವಿಡ್ ಲಸಿಕೆ ಹಾಕಿಸಿದ್ದರೆ ಕುವೈಟ್‌ ಪ್ರವೇಶ ಸುಲಭ !

25-04-21 06:52 pm Headline Karnataka News Network ದೇಶ - ವಿದೇಶ

ಕುವೈಟಿಗೆ ತೆರಳುವ ಪ್ರಯಾಣಿಕರು ಅಲ್ಲಿನ ಸರಕಾರದ ಅಂಗೀಕೃತ ಕೋವಿಡ್ ಲಸಿಕೆಯನ್ನು ಹಾಕಿಸಿಕೊಂಡಿದ್ದರೆ, ಕ್ವಾರಂಟೈನ್ ನಿಯಮದಲ್ಲಿ ರಿಯಾಯ್ತಿ ಪಡೆಯಲಿದ್ದಾರೆ‌.

ಕುವೈತ್ ಸಿಟಿ, ಎ.25: ಕುವೈಟಿಗೆ ತೆರಳುವ ಪ್ರಯಾಣಿಕರು ಅಲ್ಲಿನ ಸರಕಾರದ ಅಂಗೀಕೃತ ಕೋವಿಡ್ ಲಸಿಕೆಯನ್ನು ಹಾಕಿಸಿಕೊಂಡಿದ್ದರೆ, ಕ್ವಾರಂಟೈನ್ ನಿಯಮದಲ್ಲಿ ರಿಯಾಯ್ತಿ ಪಡೆಯಲಿದ್ದಾರೆ‌. ಕುವೈತ್ ಆರೋಗ್ಯ ಸಚಿವಾಲಯದ ಕಾರ್ಯದರ್ಶಿ ಡಾ. ಮುಸ್ತಫಾ ರೇಡಾ ಈ ಕುರಿತು ಘೋಷಣೆ ಮಾಡಿದ್ದಾರೆ.

ಕುವೈಟ್‌ ಸರಕಾರ ಅಂಗೀಕೃತ ಎಂದು ಪರಿಗಣಿಸಿರುವ ಫೈಝರ್ ಬಯೋನಿಕ್, ಆಸ್ಟ್ರಾ ಝೆನೆಕಾ ಆಕ್ಸ್ ಫರ್ಡ್, ಮಾಡೆರ್ನಾ ಮತ್ತು ಜಾನ್ಸನ್ ಎಂಡ್ ಜಾನ್ಸನ್ ಕಂಪನಿಗಳ ಕೋವಿಡ್ ಲಸಿಕೆಯನ್ನು ಅಲ್ಲಿನ ಜನರು ಈಗಾಗ್ಲೇ ತೆಗೆದುಕೊಳ್ಳುತ್ತಿದ್ದಾರೆ. ಇದೇ ಕಂಪನಿಗಳ ಲಸಿಕೆಯನ್ನು ತನ್ನಲ್ಲಿಗೆ ಬರುವ ಪ್ರಯಾಣಿಕರು ಹಾಕಿಸಿಕೊಂಡಿದ್ದರೆ, ಸಾಂಸ್ಥಿಕ ಕ್ವಾರಂಟೈನ್ ಇರಬೇಕೆಂದಿಲ್ಲ. 14 ದಿನಗಳ ಹೋಮ್ ಕ್ವಾರಂಟೈನ್ ಇದ್ದರೆ ಸಾಕು ಎನ್ನುವ ನೆಲೆಯಲ್ಲಿ ರಿಯಾಯಿತಿ ಪ್ರಕಟಿಸಲಾಗಿದೆ.

New Kuwait Summit | Dr. Mustafa Reda

ಆದರೆ, ಈ ರಿಯಾಯ್ತಿ ಪಡೆಯಲು ಕುವೈತ್ ಸರಕಾರ ಹೊರಡಿಸಿರುವ ಕೆಲವು ಮಾನದಂಡಗಳನ್ನು ಪಾಲನೆ ಮಾಡಿರಬೇಕು. ಅಂಗೀಕೃತ ಲಸಿಕೆಯ ಒಂದು ಡೋಸ್ ಪಡೆದಿದ್ದರೆ, ಡೋಸ್ ಪಡೆದು ಐದು ವಾರ ಕಳೆದಿರಬೇಕು.

ಯಾವುದೇ ಲಸಿಕೆಯ ಎರಡೂ ಡೋಸ್ ಗಳನ್ನು ಪಡೆದಿದ್ದರೆ, ಕೊನೆಯ ಡೋಸ್ ಪಡೆದು ಎರಡು ವಾರ ಕಳೆದಿರಬೇಕು. ಕೊರೊನಾ ಸೋಂಕು ಆಗಿ ರಿಕವರಿ ಆದಬಳಿಕ ನಿಗದಿತ ಲಸಿಕೆಯ ಮೊದಲ ಡೋಸ್ ಪಡೆದಿದ್ದರೆ, ಎರಡು ವಾರದ ಸಮಯ ಪೂರೈಸಿರಬೇಕು.

Coronavirus vaccines will be available to immigrants in Canada | Canada Immigration News

ಲಸಿಕೆ ಪಡೆದಿರುವ ಬಗ್ಗೆ ಸರ್ಟಿಫಿಕೇಟ್ ಹೊಂದಿರಬೇಕು. ಇದರ ಜೊತೆಗೆ ಯಾವುದೇ ಪ್ರಯಾಣಿಕರು 72 ಗಂಟೆಗಳ ಒಳಗೆ ಪಡೆದಿರುವ ಆರ್ ಟಿ ಪಿಸಿಆರ್ ಟೆಸ್ಟ್ ರಿಪೋರ್ಟ್ ಪಡೆದಿರಬೇಕು. ಹೋಮ್ ಕ್ವಾರಂಟೈನ್ ಬಳಿಕವೂ ಹೊರ ಪ್ರವೇಶಕ್ಕೆ 72 ಗಂಟೆಗಳ ಒಳಗಿನ ನೆಗೆಟಿವ್ ವರದಿ ಕಡ್ಡಾಯ ಆಗಿರುತ್ತದೆ. ಕುವೈಟ್ ಪ್ರಜೆಗಳು ಅವರ ಜೊತೆಗೆ ಹತ್ತಿರದ ಸಂಬಂಧಿಕರು ( ಪತಿ, ಪತ್ನಿ ಮತ್ತು ಮಕ್ಕಳು) ಮತ್ತು ಅವರ ಖಾಸಗಿ ಕೆಲಸದಾರರ ಪ್ರವೇಶಕ್ಕೆ ಕುವೈತ್ ಸರಕಾರ ಅನುಮತಿ ನೀಡಿದೆ.

Kuwait resumes flights at Kuwait International Airport - Xinhua | English.news.cn

ಇದೇ ವೇಳೆ, ಕೆಲವು ನಿಗದಿತ ರಾಷ್ಟ್ರಗಳ ಜೊತೆ ವಿಮಾನ ಯಾನವನ್ನು ಪುನರಾರಂಭಿಸಲು ಕುವೈಟ್‌ ಸರಕಾರ ನಿರ್ಧರಿಸಿದ್ದು ಇದರ ಲಾಭ ವಿದ್ಯಾರ್ಥಿಗಳು ಮತ್ತು ನಿಗದಿತ ಗುಂಪುಗಳಿಗೆ ಮಾತ್ರ ಸಿಗಲಿದೆ. ಯುಕೆಯಿಂದ ನೇರ ವಿಮಾನ ಸಂಚಾರಕ್ಕೆ ಭಾರೀ ಒತ್ತಾಯ ಕೇಳಿಬಂದಿದೆ. ಭಾರತದಲ್ಲಿ ಸೋಂಕು ಪೀಡಿತರ ಸಂಖ್ಯೆ ಹೆಚ್ಚುತ್ತಿರುವುದನ್ನು ಮನಗಂಡ ಕುವೈಟ್‌ ಸರಕಾರ, ಭಾರತದ ಜೊತೆ ನೇರ ವಿಮಾನ ಸಂಪರ್ಕವನ್ನು ಕಳೆದ ಶುಕ್ರವಾರದಿಂದ ಸ್ಥಗಿತಗೊಳಿಸಿತ್ತು.

Passengers to Kuwait Vaccination certificate will be mandatory for all arrivals. The Undersecretary of the Ministry of Health, Dr. Mustafa Reda stated those who are vaccinated will be exempted from institutional quarantine and are satisfied with only home quarantine for those arrivals who have been vaccinated by state approved vaccines such as Pfizer Bionic, AstraZeneca Oxford, Moderna, and Johnson and Johnson which are currently being used to vaccine citizens and expats in the country.