ಪಾಕಿಸ್ತಾನದ ಕ್ವೆಟ್ಟಾದಲ್ಲಿ ಭಾರೀ ಸ್ಫೋಟ ; ಕಾರಿನಲ್ಲಿ ಬಂದು ಫ್ರಂಟಿಯರ್ ಸೇನಾ ಕಚೇರಿ ಬಳಿಯಲ್ಲೇ ಆತ್ಮಾಹುತಿ ಬಾಂಬ್ ದಾಳಿ, 10 ಮಂದಿ ಸ್ಥಳದಲ್ಲೇ ಬಲಿ

ಬ್ರೇಕಿಂಗ್ ನ್ಯೂಸ್

ಸ್ಲೀಪರ್ ಕೋಚ್ ಬಸ್ಸಿಗೆ ಹೆದ್ದಾರಿ ನಡುವಲ್ಲೇ ಬೆಂಕಿ ; ನಿದ್ದೆಯಲ್ಲಿದ್ದ 43 ಪ್ರಯಾಣಿಕರನ್ನು ಹೊರಗೆಳೆದು ರಕ್ಷಿಸಿದ ಇಬ್ಬರು ಪೇದೆಗಳು | ನಂದಿನಿ ನಕಲಿ ತುಪ್ಪದ ಜಾಲ ; ಕಡಿವಾಣಕ್ಕೆ ಕೆಎಂಎಫ್ ಮಾಸ್ಟರ್ ಪ್ಲಾನ್, ಕ್ಯೂ ಆರ್ ಕೋಡ್ ಬಳಸಿದ್ರೆ ತಿಳಿಸಲಿದೆ ತುಪ್ಪದ ಜಾತಕ ! | Accident Karnool, Kolar, Five Killed: ಫಾರ್ಚುನರ್ - ಶಿಫ್ಟ್ ಕಾರು ಮುಖಾಮುಖಿ ಡಿಕ್ಕಿ ; ಕೋಲಾರ ಮೂಲದ ಒಂದೇ ಕುಟುಂಬದ ಐವರು ಸ್ಥಳದಲ್ಲೇ ಸಾವು, ರಾಯರ ದರ್ಶನಕ್ಕೆ ಹೋದವರು ಮಸಣ ಸೇರಿದ್ರು |

ಪಾಕಿಸ್ತಾನದ ಕ್ವೆಟ್ಟಾದಲ್ಲಿ ಭಾರೀ ಸ್ಫೋಟ ; ಕಾರಿನಲ್ಲಿ ಬಂದು ಫ್ರಂಟಿಯರ್ ಸೇನಾ ಕಚೇರಿ ಬಳಿಯಲ್ಲೇ ಆತ್ಮಾಹುತಿ ಬಾಂಬ್ ದಾಳಿ, 10 ಮಂದಿ ಸ್ಥಳದಲ್ಲೇ ಬಲಿ

30-09-25 04:03 pm HK News Desk ದೇಶ - ವಿದೇಶ

ಪಾಕಿಸ್ತಾನದ ಕ್ವೆಟ್ಟಾದಲ್ಲಿ ಮಂಗಳವಾರ ಮಧ್ಯಾಹ್ನ ಭಾರಿ ಬಾಂಬ್ ಸ್ಫೋಟ ಸಂಭವಿಸಿದ್ದು, ಸ್ಥಳದಲ್ಲೇ 10 ಮಂದಿ ಮೃತಪಟ್ಟಿದ್ದು, 32ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ. ಜನನಿಬಿಡ ಪ್ರದೇಶದಲ್ಲಿ ಬಾಂಬ್ ಸಹಿತ ವಾಹನ ತರಲಾಗಿದ್ದು ಕಟ್ಟಡದ ಬಳಿ ಒಳರಸ್ತೆಗೆ ನುಗ್ಗುತ್ತಲೇ ಸ್ಫೋಟಿಸಲಾಗಿದೆ. ಬ್ಲಾಸ್ಟ್ ಘಟನೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಇಸ್ಲಮಾಬಾದ್, ಸೆ 30 : ಪಾಕಿಸ್ತಾನದ ಕ್ವೆಟ್ಟಾದಲ್ಲಿ ಮಂಗಳವಾರ ಮಧ್ಯಾಹ್ನ ಭಾರಿ ಬಾಂಬ್ ಸ್ಫೋಟ ಸಂಭವಿಸಿದ್ದು, ಸ್ಥಳದಲ್ಲೇ 10 ಮಂದಿ ಮೃತಪಟ್ಟಿದ್ದು, 32ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ. ಜನನಿಬಿಡ ಪ್ರದೇಶದಲ್ಲಿ ಬಾಂಬ್ ಸಹಿತ ವಾಹನ ತರಲಾಗಿದ್ದು ಕಟ್ಟಡದ ಬಳಿ ಒಳರಸ್ತೆಗೆ ನುಗ್ಗುತ್ತಲೇ ಸ್ಫೋಟಿಸಲಾಗಿದೆ. ಬ್ಲಾಸ್ಟ್ ಘಟನೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಕ್ವೆಟ್ಟಾದ ಜರ್ಘುನ್ ರಸ್ತೆಯಲ್ಲಿರುವ ಎಫ್‌ಸಿ (ಫ್ರಂಟಿಯರ್ ಕಾರ್ಪ್ಸ್ - ಸೇನಾ ತುಕಡಿ) ಪ್ರಧಾನ ಕಚೇರಿಯ ಬಳಿಯಲ್ಲಿ ಬಾಂಬ್ ಸ್ಫೋಟಗೊಂಡಿದೆ. ಸ್ಪೋಟದ ಬಳಿಕ ಅದೇ ಪ್ರದೇಶದಲ್ಲಿ ಗುಂಡಿನ ದಾಳಿ ಸದ್ದು ಕೇಳಿಬಂದಿದೆ. ಸ್ಥಳಕ್ಕೆ ರಕ್ಷಣಾ ತಂಡ ಮತ್ತು ಪೊಲೀಸರು ಭೇಟಿ ನೀಡಿದ್ದು ಪರಿಶೀಲನೆ ನಡೆಸುತ್ತಿದ್ದಾರೆ.

Car bomb kills 10 in Pakistan after militants trigger shootout with troops | World News | Sky News

At least 10 killed by car bomb outside Pakistan's security force headquarters

ಸ್ಫೋಟಕ ತುಂಬಿದ ವಾಹನವು ಮಾಡೆಲ್ ಟೌನ್‌ನಿಂದ ಎಫ್‌ಸಿ ಪ್ರಧಾನ ಕಚೇರಿಯ ಬಳಿಯ ರಸ್ತೆಯ ಕಡೆಗೆ ತಿರುಗಿದಾಗಲೇ ಸ್ಫೋಟ ಸಂಭವಿಸಿದೆ. ಕ್ವೆಟ್ಟಾ ನಗರದಲ್ಲಿ ತುರ್ತು ಪರಿಸ್ಥಿತಿ ಘೋಷಿಸಲಾಗಿದೆ. ಗಾಯಾಳುಗಳನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ಹೇಳಿದ್ದಾರೆ.

ಸ್ಫೋಟದ ಶಬ್ದವು ಎಷ್ಟು ಪ್ರಬಲವಾಗಿತ್ತೆಂದರೆ, ಅದು ಮೈಲುಗಳಷ್ಟು ದೂರದಲ್ಲಿ ಕೇಳಿಬಂತು, ಇದು ಪ್ರದೇಶವನ್ನು ಮಾತ್ರವಲ್ಲದೆ ಇಡೀ ನಗರವನ್ನು ಭಯಭೀತಗೊಳಿಸಿತು ಎಂದು ಸ್ಥಳೀಯರು ಹೇಳಿದ್ದಾರೆ. ಸದ್ಯಕ್ಕೆ ಸ್ಫೋಟದ ಹೊಣೆಯನ್ನು ಯಾರೂ ಹೊತ್ತುಕೊಂಡಿಲ್ಲ. ಬಲೂಚಿಸ್ತಾನ್ ಬಂಡುಕೋರ ಗುಂಪು ಈ ದಾಳಿ ನಡೆಸಿರುವ ಸಾಧ್ಯತೆ ಇದೆ. ಬಲೂಚಿಸ್ತಾನ್ ಸ್ವತಂತ್ರ ಆಗಬೇಕೆಂದು ಈ ಭಾಗದಲ್ಲಿ ಬಲೂಚಿ ಲಿಬರೇಶನ್ ಆರ್ಮಿ ಪರ ಹೋರಾಟಗಾರರು ದಾಳಿ ನಡೆಸುತ್ತಿದ್ದಾರೆ.

A powerful suicide bombing rocked Quetta’s Zarghoon Road near the Frontier Corps headquarters on Tuesday afternoon, killing at least 10 people and injuring more than 32. CCTV footage of the blast has gone viral on social media. Police said an explosives-laden vehicle detonated as it turned toward the FC office, followed by gunfire in the area.