Gujarat Plane Crash Tragedy, Update: ಗುಜರಾತ್ ವಿಮಾನ ದುರಂತ ; ವಿಮಾನ ಪತನಗೊಳ್ಳೋ ಒಂದು ನಿಮಿಷದ ಮುನ್ನ ಪೈಲೆಟ್ ಹೇಳಿದ್ದು ಇದೊಂದೇ ಮಾತು ! ಅಷ್ಟಕ್ಕೂ ಆಗಿದ್ದೇನು?

ಬ್ರೇಕಿಂಗ್ ನ್ಯೂಸ್

Indias First Special Action Force, Mangalore: ಕೋಮು ದ್ವೇಷ ನಿಗ್ರಹಕ್ಕೆ ಸ್ಥಾಪನೆಗೊಂಡ ದೇಶದ ಮೊದಲ ಕಾರ್ಯಪಡೆ, ದಯವಿಟ್ಟು ಈ ಫೋರ್ಸ್ ಗೆ ಕೆಲಸ ಕೊಡಬೇಡಿ, ನೀವಾಗೇ ಸುಮ್ಮನಿದ್ರೆ ತೊಂದ್ರೆ ಇಲ್ಲ, ಮತೀಯ ದ್ವೇಷ ಹತ್ತಿಕ್ಕುವುದಷ್ಟೆ ಉದ್ದೇಶ, ದುರುದ್ದೇಶ ಇಲ್ಲ ; ಗೃಹ ಸಚಿವ ಪರಮೇಶ್ವರ್ | ಏರ್ ಇಂಡಿಯಾ ವಿಮಾನ ದುರಂತ ; ಲಂಡನ್ನಲ್ಲೇ ಬದುಕು ಕಟ್ಟಲು ಮಕ್ಕಳೊಂದಿಗೆ ಹೊರಟಿದ್ದ ರಾಜಸ್ಥಾನದ ವೈದ್ಯ ದಂಪತಿ, ಸೆಲ್ಫಿ ಕ್ಲಿಕ್ಕಿಸಿಕೊಂಡ ಕೆಲವೇ ಕ್ಷಣಗಳಲ್ಲಿ ಎದುರಾಗಿತ್ತು ಸಾವು ! | ಇರಾನ್ ಮೇಲೆ ಇಸ್ರೇಲ್ ಡೆಡ್ಲಿ ಅಟ್ಯಾಕ್ ; ಅಣ್ವಸ್ತ್ರ ನೆಲೆಗಳಿಗೆ ಡ್ರೋಣ್ ಬಾಂಬ್, ಇರಾನ್ ಸಶಸ್ತ್ರ ಪಡೆಗಳ ಮುಖ್ಯಸ್ಥ ಜನರಲ್ ಮೊಹಮ್ಮದ್ ಬಾಘೇರಿ, ರೆವಲ್ಯೂಷನರಿ ಗಾರ್ಡ್ ಮುಖ್ಯಸ್ಥ ಸಾವು |

Gujarat Plane Crash Tragedy, Update: ಗುಜರಾತ್ ವಿಮಾನ ದುರಂತ ; ವಿಮಾನ ಪತನಗೊಳ್ಳೋ ಒಂದು ನಿಮಿಷದ ಮುನ್ನ ಪೈಲೆಟ್ ಹೇಳಿದ್ದು ಇದೊಂದೇ ಮಾತು ! ಅಷ್ಟಕ್ಕೂ ಆಗಿದ್ದೇನು?

12-06-25 05:13 pm HK News Desk ದೇಶ - ವಿದೇಶ

ಅಹಮದಾಬಾದ್‌ನ ಮೇಘನಿನಗರದಲ್ಲಿ ನಡೆದಿರೋ ಈ ವಿಮಾನ ಅಪಘಾತದ ಸುದ್ದಿ ನಿಜಕ್ಕೂ ಆಘಾತಕಾರಿ. ಏರ್ ಇಂಡಿಯಾಕ್ಕೆ ಸೇರಿದ ವಿಮಾನವೊಂದು ಲಂಡನ್‌ಗೆ ಹೊರಟಿತ್ತು. ಆದರೆ, ಟೇಕ್ ಆಫ್ ಆದ ಕೇವಲ ಹತ್ತು ನಿಮಿಷಗಳಲ್ಲೇ ಭೀಕರ ಅಪಘಾತಕ್ಕೀಡಾಗಿದೆ. ವಿಮಾನದಲ್ಲಿ 242 ಜನ ಪ್ರಯಾಣಿಕರಿದ್ದರು ಅಂತಾ ವರದಿಯಾಗಿದೆ.

ಅಹ್ಮದಾಬಾದ್, ಜೂ 12 : ಅಹಮದಾಬಾದ್‌ನ ಮೇಘನಿನಗರದಲ್ಲಿ ನಡೆದಿರೋ ಈ ವಿಮಾನ ಅಪಘಾತದ ಸುದ್ದಿ ನಿಜಕ್ಕೂ ಆಘಾತಕಾರಿ. ಏರ್ ಇಂಡಿಯಾಕ್ಕೆ ಸೇರಿದ ವಿಮಾನವೊಂದು ಲಂಡನ್‌ಗೆ ಹೊರಟಿತ್ತು. ಆದರೆ, ಟೇಕ್ ಆಫ್ ಆದ ಕೇವಲ ಹತ್ತು ನಿಮಿಷಗಳಲ್ಲೇ ಭೀಕರ ಅಪಘಾತಕ್ಕೀಡಾಗಿದೆ. ವಿಮಾನದಲ್ಲಿ 242 ಜನ ಪ್ರಯಾಣಿಕರಿದ್ದರು ಅಂತಾ ವರದಿಯಾಗಿದೆ.

ಅಪಘಾತ ಎಷ್ಟು ಭೀಕರವಾಗಿತ್ತು ಅಂದ್ರೆ ವಿಮಾನ ಅಕ್ಷರಶಃ ಛಿದ್ರ ಛಿದ್ರವಾಗಿತ್ತು. ವಿಮಾನದ ಭಾಗಗಳು ಸುತ್ತಮುತ್ತಲಿನ ಕಟ್ಟಡಗಳ ಮೇಲೆ ಬಿದ್ದಿದ್ದವು. ಅಪಘಾತ ಆದ ತಕ್ಷಣ ಅಲ್ಲಿ ದಟ್ಟವಾದ ಹೊಗೆ ಆವರಿಸಿತ್ತು. ತಕ್ಷಣವೇ ಅಗ್ನಿಶಾಮಕ ದಳಕ್ಕೆ ಸುದ್ದಿ ತಲುಪಿದ್ದು, ಸುಮಾರು 22 ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ದೌಡಾಯಿಸಿ ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿದ್ದಾರೆ.

ಪೈಲಟ್‌ನಿಂದ "ಮೇಡೇ" ಕರೆ !

ಡಿಜಿಸಿಎ (ಡೈರೆಕ್ಟರೇಟ್ ಜನರಲ್ ಆಫ್ ಸಿವಿಲ್ ಏವಿಯೇಷನ್) ಬಿಡುಗಡೆ ಮಾಡಿರೋ ಹೇಳಿಕೆ ಪ್ರಕಾರ, ವಿಮಾನದ ಕ್ಯಾಪ್ಟನ್ ಸುಮೀತ್ ಸಭರ್ವಾಲ್ ಅವರು ಏರ್ ಟ್ರಾಫಿಕ್ ಕಂಟ್ರೋಲ್‌ (ATC) ಗೆ "ಮೇಡೇ" ಕರೆ ಮಾಡಿದ್ದಾರಂತೆ. "ಕ್ಯಾಪ್ಟನ್ ಸುಮೀತ್ ಸಭರ್ವಾಲ್ ಅವರಿಗೆ 8200 ಗಂಟೆಗಳ ಹಾರಾಟದ ಅನುಭವ ಇತ್ತು. ಅಷ್ಟೇ ಅಲ್ಲ, ಸಹ-ಪೈಲಟ್‌ಗೆ 1100 ಗಂಟೆಗಳ ಅನುಭವವಿತ್ತು" ಅಂತಾ ಡಿಜಿಸಿಎ ತಿಳಿಸಿದೆ.

ಎಟಿಸಿ ಮಾಹಿತಿ ಪ್ರಕಾರ, ವಿಮಾನ ಅಹಮದಾಬಾದ್‌ನ ರನ್‌ವೇ 23 ರಿಂದ ಮಧ್ಯಾಹ್ನ 1:39ಕ್ಕೆ (ಭಾರತೀಯ ಕಾಲಮಾನ) ಟೇಕ್ ಆಫ್ ಆಗಿತ್ತು. "ಮೇಡೇ" ಕರೆ ಮಾಡಿದ ಮೇಲೆ ವಿಮಾನದಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ. ರನ್‌ವೇ 23 ರಿಂದ ಹೊರಟ ತಕ್ಷಣವೇ ವಿಮಾನ ನಿಲ್ದಾಣದ ಹೊರಗಡೆ ನೆಲಕ್ಕೆ ಬಿದ್ದಿದೆ. ಅಪಘಾತ ಸ್ಥಳದಿಂದ ಕಪ್ಪು ಹೊಗೆ ಬರ್ತಿದ್ದ ದೃಶ್ಯ ನಿಜಕ್ಕೂ ಆತಂಕಕಾರಿ ಅಂತಾ ಡಿಜಿಸಿಎ ಹೇಳಿದೆ.

ಇನ್ನೂ ವಿಮಾನ ಪತನಗೊಳ್ಳುವ ಒಂದು ನಿಮಿಷದ ಮುನ್ನ ಪೈಲೆಟ್‌ ಮೇಡೇ ಅಂತ ಹೇಳಿದ್ದಾರೆ. ಅದಾದ ನಂತರ ಒಂದು ಮಾತು ಕೂಡ ಪೈಲೆಟ್‌ ಕಡೆಯಿಂದ ಬರಲಿಲ್ಲ.

ಈ ದುರ್ಘಟನೆಯಲ್ಲಿ ಗಾಯಗೊಂಡಿರೋ ಹಲವಾರು ಪ್ರಯಾಣಿಕರನ್ನು ನಗರದ ಸಿವಿಲ್ ಆಸ್ಪತ್ರೆಗೆ ದಾಖಲಿಸಲಾಗಿದೆ ಅಂತಾ ಪಿಟಿಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಆದ್ರೆ, ಎಷ್ಟು ಜನ ಸಾವನ್ನಪ್ಪಿದ್ದಾರೆ ಅನ್ನೋ ಬಗ್ಗೆ ಅಧಿಕಾರಿಗಳು ಇನ್ನೂ ಖಚಿತಪಡಿಸಿಲ್ಲ. ರಕ್ಷಣಾ ಕಾರ್ಯಾಚರಣೆ ಮತ್ತು ತನಿಖೆ ಎರಡೂ ನಡೀತಾ ಇವೆ.

ಏನಿದು "ಮೇಡೇ" ಕರೆ ?

"ಮೇಡೇ" ಅನ್ನೋದು ಅಂತರರಾಷ್ಟ್ರೀಯವಾಗಿ ಗುರುತಿಸಲ್ಪಟ್ಟಿರೋ ಒಂದು ತುರ್ತು ಸಂಕೇತ. ಪೈಲಟ್‌ಗಳು, ನಾವಿಕರು ಅಥವಾ ಇನ್ನಿತರ ವೃತ್ತಿಪರರು ತಕ್ಷಣದ ಸಹಾಯ ಬೇಕಾದಾಗ ಈ ಪದವನ್ನು ಬಳಸುತ್ತಾರೆ. ಇದು ವಿಮಾನದಲ್ಲಿ ಗಂಭೀರ ತಾಂತ್ರಿಕ ಸಮಸ್ಯೆ, ಅಪಘಾತ ಅಥವಾ ಪ್ರಯಾಣಿಕರಿಗೆ ಯಾವುದೇ ಅಪಾಯ ಎದುರಾದಾಗ ಜೀವಕ್ಕೆ ಅಪಾಯ ಎದುರಾಗಿದೆ ಅನ್ನೋದನ್ನ ಸೂಚಿಸುತ್ತೆ.

A tragic aviation disaster struck Ahmedabad’s Meghaninagar area today as an Air India flight bound for London crashed just minutes after takeoff, leaving the entire nation in shock. According to initial reports, the flight took off from Runway 23 of the Sardar Vallabhbhai Patel International Airport at 1:39 PM IST. Within just ten minutes of takeoff, the aircraft encountered a critical emergency.