ಹೊಸವರ್ಷದ ಆರಂಭದಲ್ಲೇ ಟಿಬೆಟ್‌ ಮಂದಿಗೆ ಭಾರಿ ಆಘಾತ ; ಸರಣಿ ಭೂಕಂಪಕ್ಕೆ ಟಿಬೆಟ್ ತತ್ತರ, 95 ಮಂದಿ ಬಲಿ, 100ಕ್ಕೂ ಅಧಿಕ ಜನರಿಗೆ ಗಂಭೀರ ಗಾಯ, ಉತ್ತರ ಭಾರತ ಮೇಲೆ ಪ್ರಭಾವ !

ಬ್ರೇಕಿಂಗ್ ನ್ಯೂಸ್

Mangalore Accident, Kulur, NHAI: ಕುಳೂರು ರಸ್ತೆ ಗುಂಡಿಗೆ ಮಹಿಳೆ ಬಲಿ ; ಘಟನೆ ಬಗ್ಗೆ ಜನಾಕ್ರೋಶ ಹಿನ್ನೆಲೆ, ಗುಂಡಿ ಮುಚ್ಚದೆ ನಿರ್ಲಕ್ಷ್ಯ ವಹಿಸಿದ ಹೆದ್ದಾರಿ ಪ್ರಾಧಿಕಾರ, ಅತಿ ವೇಗದಲ್ಲಿದ್ದ ಲಾರಿ ಚಾಲಕನ ವಿರುದ್ಧ ಪ್ರಕರಣ ದಾಖಲು | YouTuber Munaf, SIT, Dharmasthala Case: ಎಸ್ಐಟಿ ಸರಿಯಾಗೇ ಕೆಲ್ಸ ಮಾಡ್ತಿದೆ, ನೀವು ಅಂದುಕೊಂಡ ರೀತಿಯಲ್ಲ, ಬರೀ ಬುರುಡೆ, ಸುಜಾತ ಭಟ್ ವಿಷಯ ಇರೋದಲ್ಲ ; ಕನ್ನಡದ ಮಾಧ್ಯಮಗಳಿಗೆ ಟಾಂಗ್ ಇಟ್ಟ ಯೂಟ್ಯೂಬರ್ ಮುನಾಫ್ | Mangalore, NHAI, Padmaraj: ಇನ್ನೆಷ್ಟು ಜೀವ ಬಲಿಯಾಗಬೇಕು ಶಾಸಕ, ಸಂಸದರೇ? ರಸ್ತೆ ಅಪಘಾತಕ್ಕೆ ಹೆದ್ದಾರಿ ಅಧಿಕಾರಿಗಳೇ ಹೊಣೆ, ಕೆಲಸ ಮಾಡದವರು ಮನೆಗೆ ಹೋಗಲಿ ; ಪದ್ಮರಾಜ್ ಕಿಡಿ |

ಹೊಸವರ್ಷದ ಆರಂಭದಲ್ಲೇ ಟಿಬೆಟ್‌ ಮಂದಿಗೆ ಭಾರಿ ಆಘಾತ ; ಸರಣಿ ಭೂಕಂಪಕ್ಕೆ ಟಿಬೆಟ್ ತತ್ತರ, 95 ಮಂದಿ ಬಲಿ, 100ಕ್ಕೂ ಅಧಿಕ ಜನರಿಗೆ ಗಂಭೀರ ಗಾಯ, ಉತ್ತರ ಭಾರತ ಮೇಲೆ ಪ್ರಭಾವ !

07-01-25 06:32 pm HK News Desk ದೇಶ - ವಿದೇಶ

ಮಂಗಳವಾರ ಒಂದು ಗಂಟೆಯ ವೇಳೆಯಲ್ಲಿ ಟಿಬೆಟ್ನ ನೇಪಾಳದ ಗಡಿ ಭಾಗದಲ್ಲಿ 7.1 ತ್ರಿವತೆಯ ಆರು ಭೂಕಂಪಗಳು ಭಾರೀ ಹಾನಿಯನ್ನುಂಟುಮಾಡಿದೆ. ಟಿಬೆಟ್‌ನ ಶಿಗಾಟ್ಸೆ ಪ್ರದೇಶದಲ್ಲಿ ಉಂಟಾದ ಭೂಕಂಪನಿದಿಂದ ಇವರೆಗೂ 95 ಜನರು ಸಾವನ್ನಪ್ಪಿರುವುದಾಗಿ ವರದಿಯಾಗಿದ್ದು, 130 ಕ್ಕೂ ಹೆಚ್ಚು ಜನರಿಗೆ ಗಂಭೀರ ಗಾಯಗಳಾಗಿದ್ದು, ಭೂಕಂಪದ ತೀವ್ರತೆಗೆ ಹಲವು ಕಟ್ಟಡಗಳು ನೆಲಕ್ಕುರುಳಿವೆ ಎಂದು ಹೇಳಲಾಗುತ್ತಿದೆ.

ಟಿಬೆಟ್ನಲ್ಲಿ ಉಂಟಾದ ಭೂಕಂಪನವು ನೇಪಾಳ ಸೇರಿದಂತೆ ಭಾರತದ ದೆಹಲಿ, ಉತ್ತರ ಪ್ರದೇಶ ಹಾಗೂ ಬಿಹಾರ ಮತ್ತು ಪಶ್ಚಿಮ ಬಂಗಾಳದಲ್ಲಿ ಕಂಪನ ಸೃಷ್ಠಿಸಿತ್ತು ಎನ್ನಲಾಗಿದೆ. ಇನ್ನು ಕೇಂದ್ರ ಭೂ ವಿಜ್ಞಾನ ಸಚಿವಾಲಯವು ಟಿಬೆಟ್‌ನ ಕ್ಸಿಜಾಂಗ್‌ನಲ್ಲಿ ಬೆಳಿಗ್ಗೆ 6:35 ಕ್ಕೆ 10 ಕಿ.ಮೀ ಆಳದಲ್ಲಿ ಭಾರಿ ಭೂಕಂಪ ಸಂಭವಿಸಿದೆ ಎಂದು ತಿಳಿಸಿದೆ.

ಚೀನಾದ ಮಾಧ್ಯಮಗಳ ಪ್ರಕಾರ ಭೂಕಂಪನದಿಂದ ಹಲವಾರು ಕಟ್ಟಡಗಳು ಹಾನಿಗೊಳಗಾಗಿವೆ ಎನ್ನಲಾಗಿದೆ. “ಡಿಂಗ್ರಿ ಕೌಂಟಿ ಮತ್ತು ಅದರ ಸುತ್ತಮುತ್ತಲಿನ ಪ್ರದೇಶಗಳು ಬಲವಾದ ಕಂಪನಗಳನ್ನು ಅನುಭವಿಸಿದವು ಮತ್ತು ಭೂಕಂಪನದ ಸಮೀಪವಿರುವ ಅನೇಕ ಕಟ್ಟಡಗಳು ಕುಸಿದಿವೆ” ಎಂದು ಚೀನಾದ ಸರ್ಕಾರಿ ಒಡೆತನದ ಸಿಸಿಟಿವಿ ವಾಹಿನಿಯು ಪ್ರಸಾರ ಮಾಡಿದೆ.

ಒಟ್ಟು ಆರು ಬಾರಿ ಭೂಕಂಪನ;

ಒಂದೂವರೆ ಗಂಟೆ ಅವಧಿಯೊಳಗೆ ಆರು ಭೂಕಂಪ ಸಂಭವಿಸಿವೆ ಎಂದು ಹೇಳಲಾಗಿದೆ. ಬೆಳಗ್ಗೆ 6:35ಕ್ಕೆ ಸಂಭವಿಸಿದ 7.1 ತೀವ್ರತೆಯ ಭೂಕಂಪದ ನಂತರವೂ ಕಂಪನಗಳು ನಿಂತಿಲ್ಲ. ಒಂದರ ಹಿಂದೆ ಒಂದರಂತೆ ಭೂಕಂಪನದಿಂದ ಜನರು ಭಯಭೀತರಾಗಿದ್ದಾರೆ. ಟಿಬೆಟ್‌ನ ದೂರದ ಹಿಮಾಲಯ ಪ್ರದೇಶದಲ್ಲಿ ಭೂಕಂಪ ಸಂಭವಿಸಿದ ನಂತರ “ಜನರು ಸಾವನ್ನಪ್ಪಿದ್ದಾರೆ” ಎಂದು ಚೀನಾದ ಮಾಧ್ಯಮ ವರದಿ ಮಾಡಿದೆ, ನೆರೆಯ ನೇಪಾಳದ ರಾಜಧಾನಿ ಕಠ್ಮಂಡು ಮತ್ತು ಭಾರತದ ಹಲವಾರು ಭಾಗಗಳಲ್ಲಿ ಸಹ ಕಂಪನಗಳು ಸಂಭವಿಸಿವೆ.

ಮಂಗಳವಾರ ಬೆಳಗ್ಗೆ 6:35ಕ್ಕೆ ಉತ್ತರ ಭಾರತದಾದ್ಯಂತ ಪ್ರಬಲ ಭೂಕಂಪನದ ಅನುಭವವಾಗಿದೆ. ಭಾರತ ಮಾತ್ರವಲ್ಲದೆ ನೇಪಾಳ, ಬಾಂಗ್ಲಾದೇಶ ಮತ್ತು ಚೀನಾ ಕೂಡ ಇದರ ಪ್ರಭಾವಕ್ಕೆ ಒಳಗಾಗಿದೆ. ಭೂಕಂಪದ ತೀವ್ರತೆ ಎಷ್ಟಿತ್ತೆಂದರೆ ಚಳಿಯ ರಾತ್ರಿಯಲ್ಲಿ ಮನೆಯಲ್ಲಿ ಮಲಗಿದ್ದವರು ನಿದ್ದೆ ಕಳೆದುಕೊಂಡಿದ್ದಾರೆ. ಕೆಲವು ಪ್ರದೇಶಗಳಲ್ಲಿ ಜನರು ಭಯದಿಂದ ಮನೆಯಿಂದ ಹೊರಬಂದು ರಸ್ತೆಯಲ್ಲೇ ಕಾಲ ಕಳೆದಿದ್ದಾರೆ. ಬಿಹಾರದ ಮುಜಾಫರ್‌ಪುರ, ಮೋತಿಹಾರಿ, ಬೆಟ್ಟಿಯಾ, ಮುಂಗೇರ್, ಅರಾರಿಯಾ, ಸೀತಾಮರ್ಹಿ, ಗೋಪಾಲ್‌ಗಂಜ್, ವೈಶಾಲಿ, ನಾವಡಾ ಮತ್ತು ನಳಂದಾ ಸೇರಿದಂತೆ ಬಿಹಾರದ ಹಲವು ಭಾಗಗಳಲ್ಲಿ ಸುಮಾರು 30 ಸೆಕೆಂಡುಗಳ ಕಾಲ ಕಂಪನದ ಅನುಭವವಾಗಿದೆ ಎಂದು ಸುದ್ದಿ ಸಂಸ್ಥೆಗಳು ವರದಿ ಮಾಡಿವೆ.

ಹಲವು ದೇಶಗಳಲ್ಲಿ ಕಂಪಿಸಿದ ಭೂಮಿ

ಭೂಕಂಪವು 7.1 ರ ಪ್ರಾಥಮಿಕ ತೀವ್ರತೆಯನ್ನು ಹೊಂದಿತ್ತು ಮತ್ತು ಮೇಲ್ಮೈಯಿಂದ ಸುಮಾರು 10 ಕಿಲೋಮೀಟರ್ ಕೆಳಗೆ ಅಪ್ಪಳಿಸಿತು ಎಂದು ಯುಎಸ್ ಜಿಯೋಲಾಜಿಕಲ್ ಸರ್ವೆ ಹೇಳಿದೆ. ಇದು ಅತ್ಯಂತ ಆಳವಿಲ್ಲದ ಭೂಕಂಪವಾಗಿದೆ. ಹಲವು ದೇಶಗಳಲ್ಲಿ ಭೂಮಿ ಕಂಪಿಸಿದ ಅನುಭವವಾಗಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಬಲವಾಗಿ ಭೂಮಿ ಅಲುಗಾಡಿರುವ ಹಲವಾರು ವರದಿಗಳನ್ನು ಹಂಚಿಕೊಳ್ಳಲಾಗಿದೆ. ಟಿಬೆಟ್, ನೇಪಾಳ (ರಾಜಧಾನಿ ಕಠ್ಮಂಡು ಸೇರಿದಂತೆ) ಮತ್ತು ಭಾರತ, ಭೂತಾನ್ ಮತ್ತು ಬಾಂಗ್ಲಾದೇಶದ ಕೆಲವು ಭಾಗಗಳಲ್ಲಿ ಕಂಪನದ ಅನುಭವವಾಗಿದೆ.

A series of nine earthquakes, including a massive 7.1 magnitude tremor, struck the Tibet autonomous region early Tuesday morning, leaving at least 95 people dead. The earthquakes, which occurred within an hour, caused widespread destruction in Tibet and strong tremors were felt across Nepal, India, Bhutan, and parts of China.