ಬಾಲ್ಟಿಕ್ ಸಮುದ್ರ ಮಧ್ಯೆ ಸ್ಫೋಟಿಸಿದ 2ನೇ ಮಹಾಯುದ್ಧದ ಬಾಂಬ್!!

ಬ್ರೇಕಿಂಗ್ ನ್ಯೂಸ್

ಕರಾವಳಿಗೆ ಮತ್ತೊಂದು ಸುಸಜ್ಜಿತ ವಿಮಾನ ನಿಲ್ದಾಣ ; ಕಾರ್ಯಸಾಧ್ಯತೆ ಅಧ್ಯಯನಕ್ಕೆ ಖಾಸಗಿ ಕಂಪನಿಗೆ ಗುತ್ತಿಗೆ, 2500 ಎಕ್ರೆ ಜಮೀನು ಗುರುತಿಸಲು ಜಿಲ್ಲಾಧಿಕಾರಿಗಳಿಗೆ ಬೇಡಿಕೆ, ಮೂಡುಬಿದ್ರೆ- ಉಡುಪಿ ಬಗ್ಗೆ ಆಸಕ್ತಿ | ಪಾಕಿಸ್ತಾನದ ಒಳಗಡೆಯೇ ತಳಮಳ ; ಸೇನೆ ಮತ್ತು ಸರ್ಕಾರದ ನಡುವೆ ಆಂತರಿಕ ಸಂಘರ್ಷ, ಆಡಳಿತವನ್ನೇ ಕಿತ್ತುಕೊಳ್ಳಲು ಮುಂದಾಗಿರುವ ಸೇನಾ ಮುಖ್ಯಸ್ಥ ಜನರಲ್ ಸಯ್ಯದ್ ಮುನೀರ್, ಮತ್ತೆ ಸೇನಾಡಳಿತದತ್ತ ಪಾಕ್ ? | Comedy Khiladigalu Rakesh Poojary Death: 'ಕಾಮಿಡಿ ಕಿಲಾಡಿಗಳು' ಸೀಸನ್-3 ವಿನ್ನರ್, ಕಾಮೆಡಿ ಕಲಾವಿದ ರಾಕೇಶ್ ಪೂಜಾರಿ ಗೆಳೆಯನ ಮೆಹಂದಿ ಪಾರ್ಟಿಯಲ್ಲಿ ಕುಸಿದು ಬಿದ್ದು ಮೃತ್ಯು |

ಬಾಲ್ಟಿಕ್ ಸಮುದ್ರ ಮಧ್ಯೆ ಸ್ಫೋಟಿಸಿದ 2ನೇ ಮಹಾಯುದ್ಧದ ಬಾಂಬ್!!

15-10-20 03:08 pm Headline Karnataka News Network ದೇಶ - ವಿದೇಶ

ಎರಡನೇ ಮಹಾಯುದ್ಧದ ಕಾಲಕ್ಕೆ ಸೇರಿದ ಐದು ಟನ್‌ ಸಾಮರ್ಥ್ಯದ ಬಾಂಬ್ ಒಂದನ್ನು ಪೋಲೆಂಡ್ ನ ಬಾಲ್ಟಿಕ್‌ ಸಮುದ್ರ ಮಧ್ಯೆ ನೀರಿನಡಿಯಲ್ಲಿ ಸ್ಫೋಟಿಸಿ, ನಿಷ್ಕ್ರಿಯಗೊಳಿಸಲಾಗಿದೆ.

ಪೋಲೆಂಡ್, ಅಕ್ಟೋಬರ್ 15: ಎರಡನೇ ಮಹಾಯುದ್ಧದ ಕಾಲಕ್ಕೆ ಸೇರಿದ ಐದು ಟನ್‌ ಸಾಮರ್ಥ್ಯದ ಬಾಂಬ್ ಒಂದನ್ನು ಪೋಲೆಂಡ್ ನ ಬಾಲ್ಟಿಕ್‌ ಸಮುದ್ರ ಮಧ್ಯೆ ನೀರಿನಡಿಯಲ್ಲಿ ಸ್ಫೋಟಿಸಿ, ನಿಷ್ಕ್ರಿಯಗೊಳಿಸಲಾಗಿದೆ.

'ಟಾಲ್‌ಬಾಯ್‌' ಅಡ್ಡನಾಮದ ಈ ಬಾಂಬಿಗೆ 'ಭೂಕಂಪನದ ಬಾಂಬ್‌' ಎಂದು ಕರೆಯಲಾಗುತ್ತಿದ್ದು, 1945ರಲ್ಲಿ ನಾಝಿ ಸಮರನೌಕೆಯ ಮೇಲೆ ರಾಯಲ್ ವಾಯುಪಡೆ ಈ ಬಾಂಬನ್ನು ಹಾಕಿತ್ತು. ಆದರೆ, ಬಾಂಬ್ ಸ್ಫೋಟಗೊಳ್ಳದೆ ಹಾಗೇ ಉಳಿದಿತ್ತು. ಆಬಳಿಕ ವಾಯುವ್ಯ ಪೋಲೆಂಡ್‌ನ ಬಂದರು ನಗರವಾದ ಸ್ವಿನೌಜ್ಸಿ ಬಳಿ ಹೂಳೆತ್ತುವ ಸಂದರ್ಭದಲ್ಲಿ ಈ ಬಾಂಬ್ ಕಂಡುಬಂದಿತ್ತು.

ಆರು ಮಿಟರ್‌ಗಿಂತ ಉದ್ದವಿದ್ದ ಈ ಬಾಂಬ್‌ನಲ್ಲಿ 2.4 ಟನ್‌ ಸ್ಪೋಟಕಗಳಿದ್ದವು. ಇದು 3.6 ಟನ್‌ ಟಿಎನ್ ಟಿ ಸ್ಫೋಟಕಕ್ಕೆ ಸಮ ಎನ್ನಲಾಗಿತ್ತು. ಬಾಂಬ್ ಪತ್ತೆಯಾದ ಜಾಗದ ಪಕ್ಕದಲ್ಲೇ ಸೇತುವೆ ಇದ್ದುದರಿಂದ ಈ ಬಾಂಬ್‌ ಅನ್ನು ಸುಲಭದಲ್ಲಿ ನಿಷ್ಕ್ರೀಯಗೊಳಿಸುವ ಸಾಧ್ಯತೆ ಇರಲಿಲ್ಲ.

ಹೀಗಾಗಿ ಸ್ಪೋಟಕಗಳನ್ನು ಯಾವುದೇ ಸ್ಫೋಟ ಆಗದಂತೆ ಹಾಗೇ ಸುಟ್ಟುಬಿಡುವ ತಂತ್ರವನ್ನು ನೌಕಾಪಡೆ ಅನುಸರಿಸಿದೆ. ರಿಮೋಟ್‌ ನಿಯಂತ್ರಕದಿಂದ ಶೆಲ್‌ ಒಳಗೆ ಉರಿಯುವ ಪ್ರಕ್ರಿಯೆಯನ್ನು ನಿಯಂತ್ರಿಸಲಾಗಿದೆ.

ಇದಕ್ಕಾಗಿ ಸುಮಾರು 2.5 ಕಿಲೋಮೀಟರ್ ಪ್ರದೇಶದ 750 ಸ್ಥಳೀಯ ನಿವಾಸಿಗಳನ್ನು ಸ್ಥಳಾಂತರಿಸಲಾಗಿತ್ತು. ಸುತ್ತ 16 ಕಿಲೋಮೀಟರ್ ವ್ಯಾಪ್ತಿಯಲ್ಲಿ ಜಲಮಾರ್ಗಗಳಲ್ಲಿ ಸಮುದ್ರ ಸಂಚಾರವನ್ನು ಸ್ಥಗಿತಗೊಳಿಸಲಾಗಿತ್ತು.

Biggest World War Two bomb found in Poland explodes under water while being defused https://t.co/oucLfGyTDA pic.twitter.com/T2Zdbzqumk
— Reuters (@Reuters) October 14, 2020

A British World War II bomb exploded while being made safe underwater by navy demolition specialists in northwestern Poland on. No one was injured states report.