NewDelhi, fraud: ಡಬಲ್ ರಿಟರ್ನ್ಸ್ ಹೆಸರಲ್ಲಿ ನಕಲಿ ಸೈಬರ್ ಜಾಲ ; ದೆಹಲಿಯಲ್ಲಿ ಐವರು ಪೊಲೀಸ್ ಬಲೆಗೆ, ಎರಡೇ ವರ್ಷದಲ್ಲಿ 125 ಕೋಟಿ ವಹಿವಾಟು, 11 ನಕಲಿ ಕಂಪನಿಗಳು ಪತ್ತೆ, ವಾಟ್ಸಪ್ ಮೆಸೇಜ್ನಲ್ಲೇ ಯಾಮಾರಿಸುತ್ತಿದ್ದ ಖದೀಮರು !

ಬ್ರೇಕಿಂಗ್ ನ್ಯೂಸ್

Bajpe Robbery, Mangalore crime, Mangalore: ಮನೆಯ ಲಾಕರಿನಲ್ಲಿಟ್ಟಿದ್ದ ಕೋಟಿ ಮೌಲ್ಯದ ಕೇಜಿಯಷ್ಟು ಚಿನ್ನಾಭರಣ ನಾಪತ್ತೆ ; ಸಿಸಿ ಕ್ಯಾಮರಾದಲ್ಲಿ ಪತ್ತೆಯಾಗದ ಕಳ್ಳರು, ಬಜ್ಪೆಯಲ್ಲಿ ಎಫ್ಐಆರ್ | Cobra Shocks, Chikkamagaluru: ಹೊಟೇಲ್‌ಗೆ ನುಗ್ಗಿ 10 ಕೋಳಿ ಮೊಟ್ಟೆ ನುಂಗಿದ ನಾಗರಹಾವು ; ಗಾಬರಿ ಬಿದ್ದ ಗ್ರಾಹಕರು | Bangalore Honeytrap, Businessman, Sridevi: ಒಂದು ಮುತ್ತಿನ ಕತೆ..! ಮಗುವನ್ನು ಪ್ರೀ ಸ್ಕೂಲ್ ಕರೆದೊಯ್ದ ಉದ್ಯಮಿಗೆ ಟೀಚರಮ್ಮನ ಮೂರು ನಾಮ!! ಬ್ಲಾಕ್ಮೇಲ್ ಕಳ್ಳಾಟಕ್ಕೆ ಜೀವ ಬಾಯಿಗೆ ಬಂದಿತ್ತು! |

NewDelhi, fraud: ಡಬಲ್ ರಿಟರ್ನ್ಸ್ ಹೆಸರಲ್ಲಿ ನಕಲಿ ಸೈಬರ್ ಜಾಲ ; ದೆಹಲಿಯಲ್ಲಿ ಐವರು ಪೊಲೀಸ್ ಬಲೆಗೆ, ಎರಡೇ ವರ್ಷದಲ್ಲಿ 125 ಕೋಟಿ ವಹಿವಾಟು, 11 ನಕಲಿ ಕಂಪನಿಗಳು ಪತ್ತೆ, ವಾಟ್ಸಪ್ ಮೆಸೇಜ್ನಲ್ಲೇ ಯಾಮಾರಿಸುತ್ತಿದ್ದ ಖದೀಮರು !

28-09-23 07:53 pm HK News Desk ಕ್ರೈಂ

ನೀವು ಹಣ ಹೂಡಿಕೆ ಮಾಡಿ, ಡಬಲ್ ರಿಟರ್ನ್ ಸಿಗುತ್ತದೆ, ಈ ಲಿಂಕ್ ಕ್ಲಿಕ್ ಮಾಡಿ ಎನ್ನುವ ರೀತಿಯ ಮೊಬೈಲ್ ಮೆಸೇಜ್ ನೋಡಿರಬಹುದು. ಇಂಥದ್ದೇ ಮೆಸೇಜ್, ಲಿಂಕನ್ನೇ ಮುಂದಿಟ್ಟು ನಕಲಿ ಕಂಪನಿಗಳ ಹೆಸರಲ್ಲಿ 125 ಕೋಟಿಯಷ್ಟು ಸೈಬರ್ ದೋಖಾ ನಡೆಸಿರುವ ಜಾಲವನ್ನು ದೆಹಲಿ ಪೊಲೀಸರು ಪತ್ತೆ ಮಾಡಿದ್ದಾರೆ.

ನವದೆಹಲಿ, ಸೆ.28: ನೀವು ಹಣ ಹೂಡಿಕೆ ಮಾಡಿ, ಡಬಲ್ ರಿಟರ್ನ್ ಸಿಗುತ್ತದೆ, ಈ ಲಿಂಕ್ ಕ್ಲಿಕ್ ಮಾಡಿ ಎನ್ನುವ ರೀತಿಯ ಮೊಬೈಲ್ ಮೆಸೇಜ್ ನೋಡಿರಬಹುದು. ಇಂಥದ್ದೇ ಮೆಸೇಜ್, ಲಿಂಕನ್ನೇ ಮುಂದಿಟ್ಟು ನಕಲಿ ಕಂಪನಿಗಳ ಹೆಸರಲ್ಲಿ 125 ಕೋಟಿಯಷ್ಟು ಸೈಬರ್ ದೋಖಾ ನಡೆಸಿರುವ ಜಾಲವನ್ನು ದೆಹಲಿ ಪೊಲೀಸರು ಪತ್ತೆ ಮಾಡಿದ್ದಾರೆ. ನಕಲಿ ಕಂಪನಿ ಹೆಸರಲ್ಲಿ ಸೈಬರ್ ಜಾಲ ಹೆಣೆದಿದ್ದ ಐವರು ಯುವಕರನ್ನು ಪೊಲೀಸರು ಬಂಧಿಸಿದ್ದಾರೆ.

ಬಿಟೆಕ್ ಪದವೀಧರನಾಗಿರುವ ಮತ್ತು ಈ ಹಿಂದೆ ಯುಪಿಎಸ್ಸಿ ಪರೀಕ್ಷೆ ಮೂಲಕ ಅಧಿಕಾರಿ ಹುದ್ದೆ ಪಡೆಯಲು ಪ್ರಯತ್ನ ನಡೆಸಿದ್ದ ವಿವೇಕ್ ಕುಮಾರ್ ಸಿಂಗ್ (33), ಆತನ ಗೆಳೆಯರಾದ ಮನೀಶ್ ಕುಮಾರ್ (23), ಸುಹೇಲ್ ಅಕ್ರಮ್ (32), ಗೌರವ್ ಶರ್ಮಾ (23), ಬಲರಾಮ್ (32) ಎಂಬವರನ್ನು ಪೊಲೀಸರು ಬಂಧಿಸಿದ್ದಾರೆ. ಇವರು ಕೇವಲ ಎರಡು ವರ್ಷಗಳಲ್ಲಿ 125 ಕೋಟಿಯಷ್ಟು ವಿವಿಧ ನಕಲಿ ಕಂಪನಿಗಳ ಹೆಸರಲ್ಲಿ ವಹಿವಾಟು ನಡೆಸಿದ್ದಾರೆ ಎಂಬುದನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಆದರೆ ಪೊಲೀಸರಿಗೆ ಇವರಿಂದ ಕೇವಲ 1.2 ಕೋಟಿಯಷ್ಟು ಹಣವನ್ನು ಮಾತ್ರ ಜಪ್ತಿ ಮಾಡಲು ಸಾಧ್ಯವಾಗಿದೆ.

ವಿವೇಕ್ ಕುಮಾರ್ ಸಿಂಗ್, ಈ ಜಾಲದ ಪ್ರಮುಖನಾಗಿದ್ದು, ಪ್ರತಿ ವಹಿವಾಟಿನ ಮೇಲೆ 3ರಿಂದ 4 ಪರ್ಸೆಂಟ್ ಕಮಿಷನ್ ಪಡೆಯುತ್ತಿದ್ದರೆ, ಇತರರಿಗೆ 1.5 ಪರ್ಸೆಂಟ್ ಹಣವನ್ನು ಕಮಿಷನ್ ರೂಪದಲ್ಲಿ ನೀಡುತ್ತಿದ್ದ. ದೆಹಲಿಯಲ್ಲಿ ಇವರು ಸುಸಜ್ಜಿತ ಕಚೇರಿಯನ್ನು ಹೊಂದಿದ್ದರು. ನಕಲಿ ದಾಖಲೆ ಪತ್ರಗಳನ್ನು ಬಳಸಿ ಸ್ಥಾಪಿಸಿದ್ದ ನಕಲಿ ಕಂಪನಿಗಳನ್ನೇ ಜಾಲದಲ್ಲಿ ತೋರಿಸುತ್ತಿದ್ದರು. ಇತ್ತೀಚೆಗೆ ಆಶೀಶ್ ಎನ್ನುವಾತ ಇದೇ ಜಾಲದಲ್ಲಿ ಸಿಕ್ಕಿಬಿದ್ದು 30 ಲಕ್ಷ ರೂ. ಕಳಕೊಂಡ ಬಳಿಕ ಪೊಲೀಸ್ ದೂರು ನೀಡಿದ್ದರಿಂದ ನಕಲಿ ಜಾಲ ಪತ್ತೆಯಾಗಿದೆ. ಅಪರಿಚಿತ ವ್ಯಕ್ತಿಯೊಬ್ಬ ವಾಟ್ಸಪ್ ಮೆಸೇಜ್ ಮಾಡಿ, ಹಣ ಹೂಡಿಕೆ ಮಾಡುವಂತೆ ತಿಳಿಸಿದ್ದ ಎನ್ನುವ ಆಶೀಶ್ ಮಾಹಿತಿ ಆಧರಿಸಿ ಮಧ್ಯ ದೆಹಲಿಯ ಡಿಸಿಪಿ ಸಚಿನ್ ಶರ್ಮಾ ಕಳೆದ ಜೂನ್ ತಿಂಗಳಿನಿಂದ ತನಿಖೆ ಆರಂಭಿಸಿದ್ದರು.

ಹಣ ಹೂಡಿಕೆ ಮಾಡುವಂತೆ ಹೇಳಿ, ಆರಂಭದಲ್ಲಿ ಸಣ್ಣ ಮೊತ್ತದ ರಿಟರ್ನ್ಸ್ ನೀಡುತ್ತಾರೆ. ಜನರು ನಂಬಿಕೆ ಬರುತ್ತಿದ್ದಂತೆ ಮತ್ತಷ್ಟು ಹಣ ಹೂಡಿಕೆ ಮಾಡುತ್ತಾರೆ. ಆನಂತರ, ಹಣ ಹಿಂತಿರುಗಿಸದೆ ವಂಚಿಸುತ್ತಾರೆ. ಆಶೀಶ್ ಇದೇ ರೀತಿ ಹಣ ಹೂಡಿಕೆ ಮಾಡಿ, 30 ಲಕ್ಷ ರೂಪಾಯಿಗೂ ಹೆಚ್ಚು ಮೊತ್ತವನ್ನು ಕಳಕೊಂಡಿದ್ದ. ಪೊಲೀಸರ ತನಿಖೆಯಲ್ಲಿ ಆರೋಪಿಗಳು 25 ಬ್ಯಾಂಕ್ ಖಾತೆಗಳನ್ನು ನಿರ್ವಹಿಸುತ್ತಿರುವುದು ಮತ್ತು ಬೇರೆ ಬೇರೆ ನಗರಗಳಲ್ಲಿ ನಕಲಿ ದಾಖಲೆಗಳನ್ನಿಟ್ಟು ಬ್ಯಾಂಕ್ ಖಾತೆಗಳನ್ನು ಹೊಂದಿರುವುದು ಪತ್ತೆಯಾಗಿದೆ. ಈ ಪೈಕಿ ಒಂದು ಬಿಸಿನೆಸ್ ಅಕೌಂಟ್ ಇರುವುದು ಮತ್ತು ಅದನ್ನು ದೆಹಲಿಯ ಕಚೇರಿ ಹೆಸರಲ್ಲಿ ನಿರ್ವಹಿಸುತ್ತಿರುವುದನ್ನು ಪೊಲೀಸರು ಪತ್ತೆ ಮಾಡಿದ್ದರು.

ಸುಹೇಲ್ ಎನ್ನುವಾತ ಬಾಡಿಗೆ ಕಟ್ಟಡದಲ್ಲಿ ಆ ಕಚೇರಿ ಹೊಂದಿದ್ದಲ್ಲದೆ, ಅದೇ ಕಚೇರಿ ಹೆಸರಲ್ಲಿ 11 ನಕಲಿ ಕಂಪನಿಗಳನ್ನು ಸ್ಥಾಪಿಸಿರುವುದು ಪತ್ತೆಯಾಗಿದೆ. ಆತನ ಜೊತೆಗೆ ಗೌರವ್ ಎನ್ನುವಾತ ಸಹಾಯಕನಾಗಿ ಕೆಲಸ ಮಾಡುತ್ತಿದ್ದ. ಪ್ರತಿ ಕಂಪನಿಗೂ ಪ್ರತ್ಯೇಕ ನಿರ್ದೇಶಕರು ಇರುವಂತೆ ತೋರಿಸಲಾಗಿತ್ತು. ಸೆಪ್ಟಂಬರ್ 18ರಂದು ಸುಹೇಲ್ ಮತ್ತು ಗೌರವ್ ದೆಹಲಿಯ ಮಾಲವೀಯ ನಗರದಲ್ಲಿ ಪೊಲೀಸರಿಗೆ ಸಿಕ್ಕಿಬೀಳುವುದರೊಂದಿಗೆ ಜಾಲ ಬೆಳಕಿಗೆ ಬಂದಿತ್ತು.

ತಪಾಸಣೆ ಸಂದರ್ಭದಲ್ಲಿ ಪೋರ್ಜರಿ ಮಾಡಿದ್ದ ದಾಖಲೆ ಪತ್ರಗಳು, ಡೆಬಿಟ್ ಕಾರ್ಡ್, ಇನ್ನಿತರ ದಾಖಲೆ ಪತ್ರಗಳು ಸಿಕ್ಕಿದ್ದು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ತನಿಖೆಯಲ್ಲಿ ನಕಲಿ ಕಂಪನಿಗಳನ್ನು ಸ್ಥಾಪಿಸುವುದು ತಮ್ಮ ಕೆಲಸ ಎನ್ನುವುದನ್ನು ಆರೋಪಿ ಸುಹೇಲ್ ತಿಳಿಸಿದ್ದ. ಆತನ ಮಾಹಿತಿಯಂತೆ, ಗುರ್ಗಾಂವ್ ಮತ್ತು ದೆಹಲಿಯ ಇತರ ಕಡೆಗಳಲ್ಲಿ ಜಾಲದ ಪ್ರಮುಖರು ಇದ್ದಾರೆಂಬುದನ್ನು ತಿಳಿದು ಪೊಲೀಸರು ದಾಳಿ ನಡೆಸಿ ಮತ್ತೆ ಮೂವರನ್ನು ಬಂಧಿಸಿದ್ದಾರೆ. ದೇಶಾದ್ಯಂತ ಜಾಲ ಹೊಂದಿದ್ದ ಇವರು ಹಣ ದ್ವಿಗುಣ ಹೆಸರಲ್ಲಿ ಜನರನ್ನು ಯಾಮಾರಿಸಿ ಹಣ ಪೀಕಿಸುತ್ತಿದ್ದರು.

Police identified the arrested men as Vivek Kumar Singh, 33, Manish Kumar, 23, Suhel Akaram, 32, Gaurav Sharma, 23, and Balram Pandit, 27.Additional deputy commissioner of police (central) Sachin Sharma said that the gang lured people into investing money through channels on the messaging app Telegram. The victims would receive substantial returns on their initial investments, prompting them to invest bigger amounts.